រឿងភាគផលិតដោយ ខ្មែរ-ថៃ "អាថ៌កំបាំងត្រីសូល៍" ចំណាយទុនមិនធម្មតា!

2017-07-19 02:29:35
ចំនួនមតិ 0 | ចំនួនចែករំលែក 0

ចន្លោះមិនឃើញ

វីដេអូភាគខ្មែរដំបូងបំផុតរបស់ស្ថានីយទូរទស្សន៍ PNN គឺរឿង "អាថ៌កំបាំងត្រីសូល៍" ដែលរួមសហការ២ប្រទេសរួមគ្នា ទាំងក្រុមផលិតនិងតារាសម្ដែង។ មកដឹងពីខ្ទង់ចំណាយក្នុងការផលិតរបស់វីដេអូភាគខ្នាតធំនេះទាំងអស់គ្នា។

កញ្ញា ទូច បុប្ផា ប្រធានគ្រប់គ្រងផលិតកម្មវិធីរបស់ស្ថានីយទូរទស្សន៍ PNN បានលើកឡើងថា ដោយសាររឿងនេះជារឿងភាគដំបូងដែលផលិតដោយ PNN ផ្ទាល់ ដូច្នេះទំហំទឹកប្រាក់និងក្រុមការងារក៏ត្រូវច្រើនតាមនោះដូចគ្នា ជាពិសេសគឺក្រុមផលិតដែលមកពីប៉ុស្តិ៍លេខ៣ថៃ តែម្ដង។

“រឿង ត្រីសូល៍ នេះគឺយើងចំណាយជិត ៦០០០ដុល្លារអាមេរិក ក្នុង១ភាគ ហើយសរុបទាំងអស់មាន ៤០ភាគ ការចំណាយនេះក្នុងគោលបំណងមួយគត់គឺពង្រឹងគុណភាពវីដេអូភាគខ្មែរ" កញ្ញា បន្ត។

ការចំណាយនៅក្នុងការផលិតនេះគឺចាត់ទុកជាតម្លៃខ្ពស់មួយបើធៀបទៅនឹងវីដេអូភាគខ្មែរផ្សេងទៀត ដែលផលិតករធ្លាប់បញ្ជាក់មកកាន់ Sabay ថាជាទូទៅចំណាយចន្លោះពី ៣០០០-៤០០០ ដុល្លារអាមេរិក។

ចុចអាន

Credit: PNN

រឿងនេះដែរចូលរួមសម្ដែងដោយតារាល្បីៗកម្ពុជា និងថៃដូចជា កញ្ញា ស៊ិន យូប៊ីន លោក ខាត់ វៃហាំង កញ្ញាមឿង ផាណែត លោក យឹម ណារ៉ា និងតារាថៃ កញ្ញា ម៉ៃ លោក ភីត ចំណែក ទីតាំងសំខាន់ៗក្នុងការថតគឺទីក្រុងភ្នំពេញ រួមទាំងខេត្តមួយចំនួននៅជុំវិញរាជធានីភ្នំពេញ ហើយអាចនឹងទៅថតដល់បរទេសសម្រាប់ប្លង់មួយចំនួនផងដែរ នេះបើតាមប្រធានក្រុមផលិតខាងលើបញ្ជាក់៕

អត្ថបទ៖ Samedy