គ្រូ U23 ចិន ថាមិនមែនតែក្រុមខ្លួនទេ ពិបាកឈ្នះកម្ពុជា ក្រុមដទៃក៏មិនងាយស៊ីដែរ
- 2017-07-20 01:35:46
- ចំនួនមតិ 0 | ចំនួនចែករំលែក 0
គ្រូ U23 ចិន ថាមិនមែនតែក្រុមខ្លួនទេ ពិបាកឈ្នះកម្ពុជា ក្រុមដទៃក៏មិនងាយស៊ីដែរ
ចន្លោះមិនឃើញ
លោក Massimiliano Maddaloni គ្រូបង្វឹក U23 ចិនបាននិយាយថាក្រុមកម្ពុជាលេងដោយទំនុកចិត្តខ្ពស់ ហើយនេះមិនមែនតែសម្រាប់ក្រុមរបស់លោកទេដែលពិបាកឈ្នះ ក្រុមដទៃទៀតក៏នឹងមានផលវិបាកដូចគ្នា។
U23 ចិន រកបានត្រឹម១ពិន្ទុប៉ុណ្ណោះពីកម្ពុជា ក្រោយពីបញ្ចប់ការប្រកួតល្ងាចមិញត្រឹមលទ្ធផល ០-០ នៅពហុកីឡដ្ឋានជាតិ។ យ៉ាងណាមិញ បើមើលទៅលើការប្រកួតនេះវិញ ចិនហាក់មិនអាចទម្លុះសំណាញ់ការពាររបស់ក្រុមគោព្រៃបានឡើយ ដោយសឹងតែមិនមានឱកាសល្អណាមួយស៊ុតឱ្យបានស្អាតផងទេ។
ទាក់ទងទៅនឹងការប្រកួតនេះដែរ គ្រូបង្វឹករបស់ចិនបន្ថែមថាមកពីក្រុមកម្ពុជាលេងដោយមានឆន្ទៈខ្ពស់ ពួកគេលេងចេញពីចិត្តពិតនិងចេះសហការគ្នាបានល្អ។ ស្របពេលដែលក្រុមរបស់ខ្លួនមានចន្លោះប្រហោងផងនោះ ទើបបានជាមិនអាចធ្វើអ្វីក្រុម U23 កម្ពុជាបានតែម្ដងទៅ។ ដោយនេះមិនមែនសម្រាប់តែចិននោះទេ ក្រុមដទៃទៀតក៏នឹងមានផលពិបាកដូចគ្នាក្នុងការយកជ័យជម្នះលើក្រុមកម្ពុជាសម្រាប់ប្រកួតបន្ទាប់។
នៅថ្ងៃស្អែកនេះ ការប្រកួតពានរង្វាន់ 2018 AFC U23 Championship ពូល J គឺក្រុម U23 ចិនត្រូវប៉ះក្រុមហ្វីលីពីន ម៉ោង៣:៣០នាទី និងក្រុម U23 កម្ពុជានឹងត្រូវប៉ះក្រុមជប៉ុននៅវេលាម៉ោង៦:៣០នាទីល្ងាច នាកីឡដ្ឋានជាតិដូចគ្នា៕