តារាស្រីកូរ៉េ ១០រូបនេះ មានអ្នកគាំទ្រលើបណ្ដាញសង្គម Instagram ច្រើនជាងគេ
- 2017-07-20 03:14:56
- ចំនួនមតិ 0 | ចំនួនចែករំលែក 0
តារាស្រីកូរ៉េ ១០រូបនេះ មានអ្នកគាំទ្រលើបណ្ដាញសង្គម Instagram ច្រើនជាងគេ
ចន្លោះមិនឃើញ
បណ្ដាញសង្គមគឺជាវត្ថុមួយមិនអាចខ្វះបានដែលបានជួយវិស័យ K-Pop ហ្វេសិន និងរឿងភាគកូរ៉េឲ្យកាន់តែល្បីរន្ទឺគ្រប់ទីកន្លែង។ ហេតុដូច្នេះហើយបានជាតារាស្រីកូរ៉េលំដាប់កំពូលទាំងនេះមានអ្នកគាំទ្រ (Following) រហូតដល់ទៅរាប់លាននាក់នៅក្នុងបណ្តាញសង្គម Instagram៕
នេះជាតារាស្រី K-Pop ទាំង១០រូប ដែលមានអ្នក Follow នៅ Instagram ច្រើនជាងគេ៖
១០. HyunA ៥.៥លាន followers
HyunA ជាតារាចម្រៀងម្នាក់ដែលល្បីខ្លាំង និងជោគជ័យទាំងនៅក្នុងក្រុម 4Minute និងជាតារាចម្រៀងទោល។ ដោយសារតែសម្រស់ដ៏ស្រស់ស្អាត និងសមត្ថភាពច្រៀងដ៏ពូកែ បានធ្វើឲ្យនាងលេចធ្លោជាងគេ។
៩. Krystal ៥.៧លាន followers
Krystal ទទួលបានការគាំទ្រយ៉ាងច្រើនទាំងអាជីពជាអ្នកចម្រៀងនៅក្នុងក្រុម f(x) និងជាតារាសម្ដែងមួយរូប។
៨. Sandara Park ៦លាន followers
Sandara គឺជាសមាជិកដ៏សំខាន់មួយដែលធ្វើឲ្យក្រុមចម្រៀង 2NE1 ល្បីទូទាំងពិភពលោក មិនត្រឹមតែប៉ុណ្ណោះ កម្មវិធីនាងនៅលើកញ្ចក់ទូរទស្សន៍កាន់តែធ្វើឲ្យនាងល្បីមួយកម្រិតទៀត។
៧. CL ៦លាន followers
មិនខុសពី Dara ទេ CL បានជួយ 2NE1 ល្បីកាន់ខ្លាំងដោយសារតែសំឡេងដ៏ប្លែក និងពីរោះរបស់នាង។ នាងទទួលបានជោគជ័យយ៉ាងខ្លាំងនៅពេលដែលនាងបញ្ចេញបទចម្រៀង "Lifted” នៅសហរដ្ឋអាមេរិក។
៦. Jessica Jung ៦.៣លាន followers
Jessica ទទួលបានការគាំទ្រយ៉ាងច្រើនទាំងនៅកូរ៉េ និងអន្តរជាតិ។ ជាអ្នករចនាម៉ូដ និងអ្នកចម្រៀងម្នាក់ Jessica តែងតែបង្ហោះរូបភាពដំណើរកម្សាន្តបង្ហាញប្រាប់អ្នកគាំទ្រនាងជានិច្ចលើបណ្ដាញសង្គម Instagram។
៥. miss A's Suzy ៦.៣លាន followers
ដោយសារតែសម្រស់ដ៏ស្រស់ស្អាតរបស់ Suzy ធ្វើឲ្យគេចាប់អារម្មណ៍នាងទាំងនៅលើឆាក និងលើកញ្ចក់ទូរទស្សន៍។ អ្នកគាំទ្ររបស់ Suzy ដឹងច្បាស់ថាស្អីក៏នាងអាចធ្វើបានដែរ។
៤. Yoona ៦.៥លាន followers
រាប់បញ្ចូលទាំងការងារផ្សាយពាណិជ្ចកម្ម និងសម្ដែងនៅក្នុងរឿងភាគ Yoona គឺពិតជាមមាញឹកក្នុងការងារណាស់។ នាងតែងតែមានរឿងដែលគួរឲ្យចាប់អារម្មណ៍ដើម្បីបង្ហោះនៅលើបណ្ដាញសង្គម Instagram។
៣. Lee Sung Kyung ៦.៨លាន followers
Lee Sung Kyung ជាតារាម្នាក់ដែលមានទេពកោសល្យមិនធម្មតា។ ដោយសារតែការសម្ដែងរបស់នាង បានធ្វើឲ្យគេចាប់អារម្មណ៍យ៉ាងខ្លាំង ជាហេតុធ្វើឲ្យអ្នកគាំទ្រនាងកាន់ច្រើន។
២. Park Shin Hye ៦.៩លាន followers
ដោយសារតែការជោគជ័យជាច្រើនក្នុងអាជីពជាអ្នកសម្ដែង និងសម្រស់ដ៏ស្រស់ស្អាតរបស់នាង Shin Hye គឺជាតារាម្នាក់ដែលទទួលបានជោគជ័យគ្រប់ការងារដែលនាងធ្វើ។
១. Taeyeon ១០ លាន followers
នេះមិនមែនជារឿងដែលគួរឲ្យភ្ញាក់ផ្អើលនោះទេដែល Taeyeon ទទួលបានចំណាត់ថ្នាក់លេខ១នៅតារាងនេះ។ ដោយសារតែសម្រស់ដ៏ស្រស់ស្អាតរបស់នាង ហើយព្រមទាំងជាកំពូលតារាម្នាក់នៅប្រទេសកូរ៉េ។
ចុចអានអត្ថបទ៖
តារាប្រុសកូរ៉េទាំង ១៥រូប មានសាច់ដុំដើមដៃសិចស៊ីបំផុត
មកស្ដាប់បទចម្រៀង Cover ទាំង២០បទរបស់តារាចម្រៀង K-Pop ពីរោះឡើងកប់