យល់កាន់តែច្បាស់ពី ពានបាល់ទាត់ជាតិក្នុងសាលក្លៀ ឆ្នាំ២០១៧
- 2017-07-20 04:01:17
- ចំនួនមតិ 0 | ចំនួនចែករំលែក 0
យល់កាន់តែច្បាស់ពី ពានបាល់ទាត់ជាតិក្នុងសាលក្លៀ ឆ្នាំ២០១៧
ចន្លោះមិនឃើញ
ព្រឹត្តិការណ៍ប្រកួតពានរង្វាន់បាល់ទាត់ក្នុងសាលក្លៀឆ្នាំ២០១៧ ឬ CLEAR NATIONAL FUTSAL CUP 2017 នឹងចាប់ផ្តើមនៅថ្ងៃទី២៩ កក្កដា ២០១៧ នេះហើយ នៅទីលាន CLEAR Arena។ ជឿជាក់ថា អ្នកនិយមតាមដានវិស័យកីឡាបាល់ទាត់ប្រហែលជាមិនទាន់យល់ច្បាស់ពីរបៀបនៃការប្រកួតពានរង្វាន់បាល់ទាត់ជាតិក្នុងសាលក្លៀនេះឡើយ ពីព្រោះនេះជាពានក្នុងសាលថ្មីសន្លាងលើកដំបូងនាំមកជូនដោយ CLEAR Men សាប៊ូកក់សក់កម្ចាត់អង្គែសម្រាប់បុរស ឈានមុខគេលំដាប់ពិភពលោក។
ប្រកួតដំណាក់កាលទី១
ពានរង្វាន់បាល់ទាត់ជាតិក្នុងសាលក្លៀ ឆ្នាំ២០១៧ លើកដំបូងនេះ មានក្រុមចូលរួមទាំងអស់ ២០ ក្រុមដែលត្រូវបានបែងចែកជា ៤ ពូលគឺ ក្នុង ១ ពូលមាន ៥ ក្រុម។ ដំណាក់កាលទី១ ជាការប្រកួតវគ្គសន្សំក្នុងពូល ដើម្បីស្វែងរកក្រុមខ្លាំង២ ដែលមានពិន្ទុឈរលើគេក្នុងពូលនីមួយៗ សរុបពូលទាំង៤ ស្មើនឹង ៨ក្រុមឡើងវគ្គ ១០ ក្រុមចុងក្រោយ។ ២ក្រុមទៀត ត្រូវប្រៀបធៀបលទ្ធផលក្រុមលេខ៣ ក្នុងពូល A ជាមួយក្រុមលេខ៣ ក្នុងពូល B និងក្រុមលេខ៣ ក្នុងពូល C ជាមួយក្រុមលេខ៣ ក្នុងពូល D។ បន្ទាប់ពីធ្វើការប្រៀប ២ក្រុមដែលមានលទ្ធផលល្អជាងគេ នឹងឡើងទៅវគ្គ ១០ ក្រុមចុងក្រោយ។
ប្រកួតដំណាក់កាលទី២
នៅដំណាក់កាលនេះ ក្រុមខ្លាំងទាំង១០ ត្រូវបែងចែកជា ២ ពូល គឺពូល A និងពូល B ដែលពូលនីមួយៗមាន ៥ ក្រុម។ ក្រុមតាមពូលទាំងពីរនេះ ត្រូវប្រកួតសន្សំពិន្ទុ ដើម្បីស្វែងរកអ្នកដែលមានពិន្ទុខ្ពស់ជាងគេពីរក្រុមឡើងទៅវគ្គខ្វែង ឬវគ្គពាក់កណ្តាលផ្តាច់ព្រ័ត្រ។ នៅវគ្គពាក់កណ្តាលផ្តាច់ព្រ័ត្រ ក្រុមលេខ១ក្នុងពូល A ត្រូវជួបក្រុមលេខ២ក្នុងពូល B ខណៈក្រុមលេខ១ក្នុងពូល B ត្រូវជួបក្រុមលេខ២ ក្នុងពូលA។ ការប្រកួតវគ្គផ្តាច់ព្រ័ត្រ ក្រុមចាញ់ប៉ះក្រុមចាញ់ ដើម្បីស្វែងរកក្រុមចំណាត់ថ្នាក់លេខ៣ និងក្រុមឈ្នះត្រូវប៉ះក្រុមឈ្នះ ដើម្បីស្វែងរកក្រុមជើងឯក។
១០ ក្រុមចុងក្រោយត្រូវលេងពានរង្វាន់លីគក្នុងសាលក្លៀឆ្នាំខាងមុខ
អ្វីដែលពិសេសមួយទៀត ក្រុមដែលឆ្លងផុតដំណាក់កាលទី១ ទាំង១០ក្រុម មានឈ្មោះរួចជាស្រេចដើម្បីចូលរួមប្រកួតក្នុងពានរង្វាន់លីគបាល់ទាត់ក្នុងសាលជាតិ ដែលសហព័ន្ធបាល់ទាត់កម្ពុជាគ្រោងនឹងរៀបចំជាលើកដំបូងនៅឆ្នាំក្រោយ។
ក្នុងសន្និសីទសារព័ត៌មានចាប់ពូលកាលពីថ្ងៃទី១០ ខែកក្កដា កន្លងទៅនេះ ប្រធានសហព័ន្ធកីឡាបាល់ទាត់កម្ពុជា ឯកឧត្ដម សៅ សុខា មានប្រសាសន៍ថា ការរៀបចំកម្មវិធីប្រកួតបាល់ទាត់ក្នុងសាលជាតិ CLEAR ២០១៧ នេះគឺជាចំណុចចាប់ផ្ដើម ត្រៀមរៀបចំការប្រកួតបាល់ទាត់ក្នុងសាលកម្រិតអាជីពនៅឆ្នាំក្រោយ។ លោកមើលឃើញថា បច្ចុប្បន្នយុវជនកម្ពុជាមានការផុលផុសក្នុងការចូលរួមលេងបាល់ទាត់ ពិសេសគឺបាល់ទាត់ក្នុងសាលនេះតែម្ដង។
បញ្ជាក់ថា ការប្រកួតវគ្គសន្សំពិន្ទុដំណាក់កាលទី១ នឹងចាប់ផ្តើមពីថ្ងៃទី២៩ ខែកក្កដា ដល់ ថ្ងៃទី២៧ ខែសីហា ឆ្នាំ២០១៧ និងការប្រកួតដំណាក់កាលទីពីរ ចាប់ពីថ្ងៃទី២ ខែកញ្ញា ដល់ថ្ងៃទី១៤ ខែតុលា ឆ្នាំ២០១៧។ ការប្រកួតពានរង្វាន់ CLEAR NATIONAL FUTSAL CUP 2017 នេះធ្វើនៅទីលានតែមួយគត់គឺ CLEAR Arena ដែលផ្សាយផ្ទាល់តាមកញ្ចក់ទូរទស្សន៍ MyTV រៀងរាល់ចុងសប្ដាហ៍៕
ក្រុមតាមពូលនីមួយៗ
ពូល A
Daun Penh FC
Panda FC
BA United
3G FC
Neath Asia FC
ពូល B
UYFC Meanchey
VK United
Chanteak Keyla
Fan Sport FT
UYFC Komjaymear
ពូល C
7 Makara Youth
Snoul FT
Battambang Taveller
Daniel FC
Down Town Sport
ពូល D
Home Sport
Anachak Baitong
Emerald FC
OV Mal
IP FC