ឡេនកំពូលថ្លៃទាំង ៥ មានខ្លះតម្លៃរាប់លានដុល្លារ
- 2017-07-20 07:24:52
- ចំនួនមតិ 0 | ចំនួនចែករំលែក 0
ឡេនកំពូលថ្លៃទាំង ៥ មានខ្លះតម្លៃរាប់លានដុល្លារ
ចន្លោះមិនឃើញ
ចំពោះអ្នកថតរូប ឬ វីដេអូ ឡេនជាឧបករណ៍ជំនួយដ៏សំខាន់មួយដែលអាចបំពេញតាមតម្រូវការរបស់ពួកគេបាន។ ចំពោះតម្លៃវិញ ឡេនដែលមានសមត្ថភាពខ្លាំងអាចថ្លៃដល់រាប់ម៉ឺនដុល្លារ ពោលអាចថ្លៃជាងម៉ាស៊ីនថតទៅទៀត។ ប៉ុន្តែអ្នកប្រហែលមិនជឿទេថាមានឡេនខ្លះតម្លៃថ្លៃដល់ខ្ទង់លានដុល្លារឯណោះ។
១. Carl Zeiss 50 mm Planar F/0.7 តម្លៃ ២៣,១ លានដុល្លារ
ឡេននេះផលិតឡើងសម្រាប់ឲ្យអង្គការណាសាប្រើក្នុងបេសកកម្មហោះទៅឋានព្រះចន្ទក្នុងឆ្នាំ ១៩៦៦ ហើយប្រើសម្រាប់ថតតំបន់ឆ្ងាយៗលើឋានព្រះចន្ទ។ សរុបទៅឡេននេះមានផលិតតែ ១០ គ្រឿងប៉ុណ្ណោះក្នុងលោក ដោយមានមួយរក្សាទុកដោយក្រុមហ៊ុន Carl Zeiss, មាន ៦ លក់ទៅឲ្យអង្គការណាសា និង ៣ ទៀតលក់ឲ្យអ្នកផលិតកុន Stanley Kubrick។
២. Leica 1600mm f/5.6 Telephoto Len តម្លៃ ២ លានដុល្លារ
មាន focal length ប្រវែងដល់ទៅ ១ ៦០០ ម.ម និង ទម្ងន់ដល់ទៅ ៦០ គីឡូក្រាម។ ឡេននេះច្នៃសម្រាប់ព្រះរាជបុត្រ Sheikh Saud Bin Mohammed Al-Thani នៃប្រទេសកាតា។ មិនមានរូបសន្លឹកដែលថតដោយប្រើឡេននេះត្រូវបានគេបញ្ចេញនោះទេ។
៣. Nikkor 6mm f/2.8 Fisheye Len តម្លៃ ១៦ ម៉ឺនដុល្លារ
គោលបំណងនៃការផលិតឡេននេះគឺ Nikon ចង់ឲ្យកាមេរ៉ាអាចមើលឃើញផ្នែកខាងក្រោយរបស់វា ហើយឡេននេះបានបង្ហាញខ្លួនក្នុងកម្មវិធីតាំងបង្ហាញ Photokina ឆ្នាំ ១៩៧០។
៤. Canon 1200mm តម្លៃ ១២ ម៉ឺនដុល្លារ
ឡេនទម្ងន់ ១៦,៥ គីឡូក្រាមនេះមានបំពាក់នូវម៉ូទ័រអេឡិចត្រូនិកសម្រាប់ការ Auto-Focus។ ប្រវែង Focus ជិតបំផុតដែលឡេននេះអាចធ្វើបានគឺ ១៤ ម៉ែត្រ។
៥. Zeiss Apo Sonnar T 1700mm តម្លៃ ១០ ម៉ឺនដុល្លារ
ឡេននេះបានជាប់ជាឡេនកាមេរ៉ាល្អដាច់គេនៅឆ្នាំ ២០០៦ ដោយសារមានមុខងារពិសេសជាច្រើន។ យ៉ាងណាក្ដីវាមានទម្ងន់ដល់ ២៥៥ គីឡូក្រាម ដែលពិបាកនឹងផ្លាស់ទីបំផុត៕
ចុចអាន៖