ផ្លូវការហើយ! ៣៤ ថ្ងៃទៀត Galaxy Note 8 បង្ហាញខ្លួន
- 2017-07-21 01:45:39
- ចំនួនមតិ 0 | ចំនួនចែករំលែក 0
ផ្លូវការហើយ! ៣៤ ថ្ងៃទៀត Galaxy Note 8 បង្ហាញខ្លួន
ចន្លោះមិនឃើញ
រយៈពេលប៉ុន្មានម៉ោងមុននេះ Samsung បានបង្ហោះរូបមួយសន្លឹកលើបណ្ដាញសង្គម Facebook ដែលជាលិខិតអញ្ជើញចូលរួមកម្មវិធី Unpacked នៅថ្ងៃទី ២៣ ខែសីហា ឆ្នាំ ២០១៧ ខាងមុខ។
លិខិតអញ្ជើញមិនបានបញ្ជាក់ថា Samsung នឹងប្រកាសពីអ្វីក្នុងកម្មវិធី Unpacked នោះទេ ប៉ុន្តែគេអាចដឹងថាជាការប្រកាសចេញ Galaxy Note 8 ព្រោះឃើញមានស្រមោលប៊ិចពណ៌ខៀវដែលជាប៊ិច S-Pen ប្រើជាមួយត្រកូល Galaxy Note។
Galaxy Note 8 រំពឹងថានឹងបំពាក់អេក្រង់ Super AMOLED ទំហំ ៦,៣ អ៊ីញដែលមានសណ្ឋានស្រដៀងនឹងអេក្រង់ Galaxy S8 និង Galaxy S8+។ មិនតែប៉ុណ្ណោះមានបំពាក់បន្ទះឈីប Snapdragon 835 ឬ Exynos 8895 រួមជាមួយនឹង RAM ទំហំ ៦ GB។ អ្វីដែលធ្វើឲ្យ Note 8 ពិសេសជាង S8 នោះគឺមានបំពាក់ប្រព័ន្ធកាមេរ៉ាភ្លោះនៅផ្នែកខាងក្រោយ ដែលអមដោយទ្រនាប់ស្កេនខ្ចៅដៃនៅផ្នែកខាងក្រោយនេះផងដែរ។
ចំណែកតម្លៃវិញមានប្រភពមួយចំនួនលើកឡើងថាអាចថ្លៃដល់ខ្ទង់ ១ ០០០ ដុល្លារប៉ុណ្ណោះ។ យ៉ាងណាៗលក្ខណៈសម្បត្តិដែលរៀបរាប់ខាងលើមិនទាន់អាចយកជាការបាននៅឡើយទេ មានតែចាំដល់ពេល Galaxy Note 8 បង្ហាញខ្លួនជាផ្លូវការ៕
ចុចអាន៖