ក្មេងអាយុ ១០ឆ្នាំ រកឃើញឆ្អឹងដំរីបុរាណ អាយុកាលរាប់លានឆ្នាំ ក្រោយជួបគ្រោះថ្នាក់មួយ
- 2017-07-21 02:32:14
- ចំនួនមតិ 0 | ចំនួនចែករំលែក 0
ក្មេងអាយុ ១០ឆ្នាំ រកឃើញឆ្អឹងដំរីបុរាណ អាយុកាលរាប់លានឆ្នាំ ក្រោយជួបគ្រោះថ្នាក់មួយ
ចន្លោះមិនឃើញ
ការជួបគ្រោះថ្នាក់តូចមួយរបស់ក្មេងប្រុសម្នាក់ បានផ្ដល់ឲ្យពិភពលោកនូវភាពអស្ចារ្យមួយ ស្ទើរនឹកស្មានមិនដល់។
កាលពីពេលថ្មីៗកន្លងទៅនេះ ក្មេងប្រុសអាយុ ១០ ឆ្នាំម្នាក់ មានឈ្មោះថា Jude Sparks បានដើរលេងជាមួយប្អូនប្រុស នៅវាលខ្សាច់មួយកន្លែង ស្ថិតនៅក្នុងទីក្រុង Las Cruces រដ្ឋ New Mexico សហរដ្ឋអាមេរិក។ នៅពេលនោះ ក្មេងប្រុស Sparks បានជំពប់ជើងជាមួយបំណែកហ្វូស៊ីលនៃសត្វដំរីបុរាណ Stegomastodon ដែលមានអាយុកាល រហូតដល់ទៅ ១,២ លានឆ្នាំ។
«ពេលនោះ ខ្ញុំកំពុងរត់ឡើងទៅលើ ស្រាប់តែជំពប់ជើងជាមួយភ្លុកដំរី។ មុខរបស់ខ្ញុំដួលទៅលើដី ក្បែរថ្គាមរបស់វា។ ខ្ញុំបានសម្លឹងមើលទៅលើ ក៏ឃើញភ្លុកដំរីមួយទៀតតែម្ដង។ ខ្ញុំមិនដឹងថាវាជាអ្វីឡើយ ខ្ញុំគ្រាន់តែដឹងថា វាមិនធម្មតាទេ»។ Sparks បានប្រាប់យ៉ាងដូច្នេះ។
នៅពេលនោះ ក្មេងប្រុស Sparks រួមទាំងប្អូនប្រុស និងគ្រួសាររបស់គេ សុទ្ធសឹងតែមិនស្គាល់ហ្វូស៊ីលនៃសត្វដំរី Stegomastodon។ ក្រោយមក គ្រួសាររបស់ Sparksបានថតរូបទុក ហើយសន្មតថា វាជាហ្វូស៊ីលសត្វដំរី (ធម្មតា)។
បន្ទាប់មកទៀត ពួកគេបានទាក់ទងទៅកាន់ សាស្ត្រាចារ្យ Peter Houde នៃសកលវិទ្យាល័យ New Mexico State University ដោយលោក Houde និងក្រុមការងារ បានជីកហ្វូស៊ីលនោះដើម្បីយកទៅធ្វើការពិសោធន៍។
បើតាមសារព័ត៌មាន New York Times បានឲ្យដឹងថា ក្មេងប្រុស Sparks បានរកឃើញវា បន្ទាប់ពីមានភ្លៀងធ្លាក់ខ្លាំង ដែលធ្វើឲ្យហ្វូស៊ីលនោះ ផុសចេញពីដី រហូតអាចមើលឃើញដោយភ្នែកទទេបាន។ គួរបញ្ជាក់ថា ហ្វូស៊ីលសត្វដំរីបុរាណ Stegomastodon អាយុកាលរាប់លានឆ្នាំនោះ នៅតែអាចរក្សារូបរាងឲ្យនៅដដែលច្រើន៕
ចុចអាន៖