Conor McGregor នឹងទុកលុយ៧៥លានដុល្លារបានពីការប្រកួតជាមួយ Floyd ឱ្យកូនប្រុសគេ

2017-07-22 04:06:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតរវាងកីឡាករមិនដែលចាញ់ Floyd Mayweather និង Conor McGregor អ្នកវាយ UFC នឹងត្រូវចាប់ផ្ដើមនៅថ្ងៃទី២៦ខែក្រោយនេះហើយ នៅសហរដ្ឋអាមេរិក។

ដោយជំនួបនេះត្រូវបានគេដឹងថាជាការប្រកួតធំបំផុតក្នុងប្រវត្តិសាស្ត្ររកបានប្រាក់ចំណូលដល់រាប់រយលានដុល្លារអាមេរិកឯណោះ។ និយាយពីប្រាក់បានពីប្រកួតនេះ Floyd គឺជាអ្នកមានភាគរយខ្ពស់ជាង Conor ដូចកាលកីឡាករអាមេរិករូបនេះវ៉ៃជាមួយ Manny Pacquiao អីចឹង។ មិនទាន់មានរបាយការណ៍ណាមួយបញ្ជាក់ឱ្យច្បាស់ថាប្រកួតនេះបានប៉ុន្មាននោះទេ ប៉ុន្តែអ្នកវិភាគបានលើកឡើងថាអាចនឹងឈានដល់៥០០លានដុល្លារអាមេរិកឯណោះ ព្រោះកីឡាករទាំងពីរមានភាពល្បីឈ្មោះនិងធ្វើឱ្យកក្រើកពិភពលោកទៅហើយមុនការប្រកួតឈានចូលមកដល់។

ទន្ទឹមនឹងនេះដែរ Conor បាននិយាយរួចទៅហើយថាប្រាក់ដែលខ្លួនបានពីការប្រកួតជាមួយ Floyd នេះ នឹងទុកតម្កល់ក្នុងធនាគាររបស់កូនប្រុសទើបកើតរបស់ខ្លួនចំនួន ៧៥លានដុល្លារអាមេរិក ដើម្បីឱ្យរូបគេធំឡើងស្រណុកសុខស្រួល។ មិនតែប៉ុណ្ណោះ ប្រាក់នេះ Conor នឹងប្រាប់ដល់កូនថា វាជាប្រាក់រកបានពីអាជីពសុចរិត ហើយបង្រៀនកូនឱ្យស្គាល់ពីតម្លៃនៃការងារ មិនមែនចេះតែចាយអត់ប្រយោជន៍នោះទេ៕

ប្រភព៖ boxofficemojo ប្រែសម្រួល៖ មុន្នីរម្យ