តោះ! រៀបចំវ៉ាលី រួចហើយទៅប្រទេសបារាំងជាមួយនឹង Audi

2017-07-24 00:07:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃ១៤ ខែ កក្កដា ឆ្នាំ ២០១៧ ដែលជាថ្ងៃប្រារព្វធ្វើពិធីបុណ្យបដិវត្តន៍បារាំង ក្រុមហ៊ុន Audi ភ្នំពេញ នឹងចាប់ផ្ដើមធ្វើការផ្ដល់ជូនដ៏ធំសម្រាប់អតិថិជន Audi Q7 ថ្មីទាំងអស់ ដោយអញ្ជើញអតិថិជនទាំងនោះឱ្យចូលរួមកម្មវិធីដ៏សប្បាយរីករាយមួយដែលមានឈ្មោះថា ការធ្វើដំណើរទៅប្រទេសបារាំង ។

លោក Antoine Jeanson ដែលជានាយកផ្នែកប្រតិបត្តិការរបស់ក្រុមហ៊ុន Audi ភ្នំពេញ (ក្រុមហ៊ុននាំចូលផ្លូវការ) បានបញ្ជាក់ថា៖ “ក្រុមហ៊ុន Audi ភ្នំពេញ នឹងអញ្ជើញអតិថិជនចំនួនបួននាក់ដំបូងឱ្យទៅកម្សាន្តនៅប្រទេសបារាំង”។

ជាក់ស្តែងដើម្បីទទួលបានការអញ្ជើញឱ្យចូលរួមក្នុងកម្មវិធី នៃការធ្វើដំណើរទៅប្រទេសបារាំងជាមួយ Audi បាន អតិថិជនត្រូវធ្វើការបញ្ជាទិញ និងប្រគល់រថយន្តជូនអតិថិជននៅចន្លោះថ្ងៃទី ១៥ ខែ កក្កដា ដល់ថ្ងៃទី ២៨ ខែសីហា នូវរថយន្ត Audi Q7 3.0TFSI quattro ថ្មី។ ការផ្ដល់ជូនបែបនេះ គឺសម្រាប់តែអតិថិជន Audi Q7 ចំនួន ៤ នាក់ដំបូង ដែលមានលក្ខណៈសម្បត្តិគ្រប់គ្រាន់តែប៉ុណ្ណោះ។

កម្មវិធីធ្វើដំណើរទៅប្រទេសបារាំង ជាមួយនឹង Audi មានដូចជា៖

ការហោះហើរ
ទិដ្ឋាការ
សណ្ឋាគារ
ការទទួលទាន
និងថ្លៃចំណាយគឺសម្រាប់តែអតិថិជនម្នាក់ដែលទិញរថយន្ត Audi Q7 មួយគ្រឿងតាមកាលបរិច្ឆេទនៃកម្មវិធីធ្វើដំណើរទៅប្រទេសបារាំង របស់ក្រុមហ៊ុន Audi ភ្នំពេញ។

អំឡុងពេលនៃកម្មវិធីធ្វើដំណើរទៅប្រទេសបាំរាំង ជាមួយនឹងការផ្ដល់រង្វាន់របស់ក្រុមហ៊ុន Audi ភ្នំពេញ រថយន្ត Audi Q7 3.0 TFSI quattro និងលក់ក្នុងតម្លៃ ១២៥,០០០.០០ ដុល្លារអាមេរិច។

រថយន្ត Audi Q7 3.0 TFSI quattro ផ្ដល់ជូននូវថាមពលកម្លាំង ៣៣៣ សេះ និងកម្លាំងបង្វិលរហូតដល់ ៤៤០ Nm ។ រថយន្ត Audi Q7 3.០ TFSI quattro មានកម្លាំងស្ទុះពី ០ ទៅ ១០០ គីឡូម៉ែត្រក្នុងរយៈពេលត្រឹមតែ ៦.៣ វិនាទីតែប៉ុណ្ណោះ។ កម្រិតស៊ីប្រេង មានកម្រិតតិចរហូតដល់ទៅ ៧.៩ លីត្រក្នុង ១០០ គីឡូម៉ែត្រ តាមការវាស់ស្ទង់នៅក្នុងតំបន់អឺរ៉ុប។ ដោយមានបណ្ដោយជាង ៥ ម៉ែត្រ កៅអីចំនួន ៧ រថយន្ត Audi Q7 SUV ធំទូលាយ និងមានផាសុកភាពសម្រាប់មនុស្សចំនួនប្រាំពីរនាក់ និងកន្លែងដាក់អីវ៉ាន់របស់ពួកគេ។ រថយន្ត Q7 ផ្តល់ការធានារយៈពេល២ឆ្នាំដោយមិនគិតពីចម្ងាយនៃការបើកបរ៕

ទាក់ទងពត៌មានបន្ថែមតាមទូរសព្ទលេខ៖ 023 222204

ដោយ៖ ថា ម៉ាលីដា