គ្រូជម្រើសជាតិ «សម្រាប់ខ្ញុំចាញ់អត់បញ្ហា ឲ្យតែលេងអស់ពីសមត្ថភាព តែ...»
- 2017-07-24 01:59:23
- ចំនួនមតិ 0 | ចំនួនចែករំលែក 0
គ្រូជម្រើសជាតិ «សម្រាប់ខ្ញុំចាញ់អត់បញ្ហា ឲ្យតែលេងអស់ពីសមត្ថភាព តែ...»
ចន្លោះមិនឃើញ
លោក Leonardo Vitorino គ្រូជម្រើសជាតិ និងជាគ្រូបង្វឹកក្រុម U23 កម្ពុជាបានសម្ដែងការមិនពេញចិត្តចំពោះទម្រង់លេងកូនក្រុមរបស់ខ្លួន ទោះយកឈ្នះ U23 ហ្វីលីពីន១-០ កាលពីយប់មិញនៅពហុកីឡដ្ឋានជាតិ សម្រាប់ការប្រកួតវគ្គជម្រុះ 2018 AFC U23 Championship ។
គ្រូបង្វឹកសញ្ជាតិប្រេស៊ីលរូបនេះបានឲ្យដឹងថា លោកមើលឃើញថា កូនក្រុមរបស់ខ្លួនហាក់លេងមិនអស់សមត្ថភាព សម្រាប់ជំនួបពីយប់មិញនេះ។ បើទោះកីឡាករទាំងអស់មានការហត់នឿយ ជាមួយការប្រកួតញឹកញាប់ ហើយពួគគេបានដឹងថា កម្ពុជាឈ្នះមិនអាចឡើងទៅវគ្គបន្ត ប៉ុន្តែក៏ត្រូវការជ័យជម្នះ ដែលលេងអោយអស់សមត្ថភាពដើម្បីអ្នកគាំទ្រដែរ។
«សម្រាប់ខ្ញុំ យើងចាញ់ ចាញ់ចុះឲ្យតែលេងអស់ពីសមត្ថភាព។ ប៉ុន្តែប្រកួតនេះ ខ្ញុំមិនសប្បាយចិត្តសោះ ពេលឃើញកូនក្រុមលេងរបៀបនេះ។ ខ្ញុំស្គាល់កីឡាកររបស់ខ្ញុំ...ខ្ញុំដឹងថា ពួកគេមានសមត្ថភាពអាចលេងបានល្អជាងនេះ អ្វីដែលខ្ញុំចង់បានគឺចង់ឲ្យពួកគេលេងអស់ពីចិត្ត»។ ជាសម្ដីរបស់លោក Leonardo ។
ការប្រកួតវគ្គសន្សំពិន្ទុនេះកម្ពុជាបានបញ្ចប់ត្រឹមចំណាត់ថ្នាក់លេខ ៣ ដោយ U23 ចិនលេខ១ មាន៧ពិន្ទុ, U23 ជប៉ុនលេខ ២មាន ៦ពិន្ទុ និង U23 ហ្វីលីពីនលេខ ៤មាន០៕