ពាន KMH Champions League ប្រាក់រង្វាន់១ម៉ឺនដុល្លារ រកឃើញម្ចាស់ជើងឯកហើយ
- 2017-07-24 03:29:48
- ចំនួនមតិ 0 | ចំនួនចែករំលែក 0
ពាន KMH Champions League ប្រាក់រង្វាន់១ម៉ឺនដុល្លារ រកឃើញម្ចាស់ជើងឯកហើយ
ចន្លោះមិនឃើញ
ពានរង្វាន់ពាក់កណ្ដាលអាជីពធំបំផុតនៅកម្ពុជា KMH Champions League ដែលមានប្រាក់រង្វាន់រហូតដល់១ម៉ឺនដុល្លារអាមេរិក បានរកឃើញជើងឯកហើយគឺបានទៅលើក្រុម POSENCHEY FC។
KMH Champions League ដែលមានក្រុមចូលរួមរហូតដល់៣២ក្រុម ប្រកួតប្រជែងអស់រយៈពេលជិត១ឆ្នាំ បានឈានដល់វគ្គផ្ដាច់ព្រ័ត្រកាលពីថ្ងៃសៅរ៍កន្លងទៅនេះ។ ដោយវគ្គដណ្ដើមយកពាននេះ ក្រុម POSENCHEY FC ត្រូវតតាំងជាមួយក្រុម DAUN PENH FC ខណៈដែលក្រុមANACHAK BAITONG FC និងប៉ះក្រុម CHAN TEAK KEYLA FC ដណ្ដើមយកលេខ៣។
ជាលទ្ធផលក្រុម POSENCHEY FC ជាអ្នកទទួលបានជើងឯក ដោយឈ្នះក្រុម DAUN PENH FC ក្នុងលទ្ធផល ២-១ ខណៈដែលក្រុម ANACHAK BAITONG FC ឈ្នះក្រុម CHAN TEAK KEYLA FC ទទួលបានចំណាត់ថ្នាក់លេខ៣។ ចំពោះប្រាក់រង្វាន់នៃពាននេះ គឺក្រុមលេខ១ POSENCHEY FC ទទួលបានពានមួយអមជាមួយប្រាក់រង្វាន់១ម៉ឺនដុល្លារ លេខ២បានទៅលើ DAUN PENH FC ប្រាក់រង្វាន់៤ពាន់ដុល្លារ លេខ៣បានទៅលើក្រុម ANACHAK BAITONG FC ប្រាក់រង្វាន់២ពាន់ដុល្លារ និងលេខ៤បានទៅលើក្រុម CHAN TEAK KEYLA FC ប្រាក់រង្វាន់១ពាន់ដុល្លារ។
ដោយការឈ្នះពានរង្វាន់ KMH Champions League នេះ គឺជាពានទី៣ហើយសម្រាប់ក្រុម POSENCHEY FC ពោលគឺក្រុមដឹកនាំដោយលោក ហុក សុចិត្រា មួយនេះលើកពាន Soccer league ១ និងពាន KMH Cup ១បន្ថែមទៀតផងដែរកាលពីពេលកន្លងទៅ។
ពានរង្វាន់បាល់ទាត់ KMH Champions League គឺជាការប្រកួតពានរង្វាន់បាល់ទាត់ពាក់កណ្ដាលអាជីពធំជាងបង្អស់នៅកម្ពុជា ដោយរៀបចំឡើងពីមូលនិធិបាល់ទាត់ (KMH Foundation) ចាប់ផ្ដើមតាំងពីឆ្នាំ២០១៥ ដោយច្របាច់បញ្ចូលគ្នារវាងក្រុមបាល់ទាត់ល្អៗ និងធំៗ មកពីទូទាំងរាជធានីភ្នំពេញ។ ពានរង្វាន់នេះដែរ បង្កើតឡើងក្នុងគោលបំណងចូលរួមលើកកម្ពស់និងអភិវឌ្ឍវិស័យកីឡានៅកម្ពុជា និងជាស្នូលវិជ្ជមានរួមចំណែកក្នុងការងារសង្គម តាមរយៈការផ្ដល់ឱកាសដល់យុវជនបង្ហាញទេពកោសល្យ និងសមត្ថភាពរបស់ពួកគេ ព្រមទាំងដើម្បីប្រមូលថវិកាសប្បុរសធម៌ដើម្បីជួយសង្គមផងដែរ។ ជាក់ស្ដែង KMH Champions League រដូវកាលទី១កន្លងទៅ បានប្រមូលថវិកាចំនួនជាង៣ម៉ឺនដុល្លារ ជូនដល់មន្ទីរពេទ្យគន្ធបុប្ផា៕
ចុចអានអត្ថបទបន្ដ៖
Zidane អត់ចង់ទិញខ្សែប្រយុទ្ធថ្មីចូលសោះ ទោះទើបបាត់បង់ Morata