ឡុង សំណាង ប្រើជង្គង់រាប់ភ្លេច ប៉ុន្តែមិនអាចធ្វើឱ្យ ស៊ុភភើ សន្លប់បាន ត្រឹមឈ្នះពិន្ទុ
- 2017-07-24 06:11:00
- ចំនួនមតិ 0 | ចំនួនចែករំលែក 0
ឡុង សំណាង ប្រើជង្គង់រាប់ភ្លេច ប៉ុន្តែមិនអាចធ្វើឱ្យ ស៊ុភភើ សន្លប់បាន ត្រឹមឈ្នះពិន្ទុ
ចន្លោះមិនឃើញ
អ្នកប្រដាល់ស្រករក្រោយរបស់ក្លឹបប្រដាល់សាលវ័ន្តកីឡា ឡុង សំណាង បានតតាំងជាមួយកីឡាករកំពូលទ្រាំរបស់ថៃ ស៊ុភភើ នៅសង្វៀន PNN កាលពីថ្ងៃអាទិត្យកន្លងទៅនេះ។
ជាលទ្ធផលការប្រកួតនេះ ត្រូវតតាំងគ្នារហូតដល់ទៅ៥ទឹកពេញតែម្ដង បើទោះបីជា ឡុង សំណាង មានក្បាច់ច្រើនសម្រាប់វាយទៅលើកីឡាករថៃក៏ដោយ ប៉ុន្តែ ស៊ុភភើ នៅតែមិនដួលឬត្រូវអាជ្ញាកណ្ដាលរាប់នោះទេ។ ជាក់ស្ដែង ការប្រកួតនេះតាំងពីទឹក១មក សំណាង បានព្យាយាមប្រើបច្ចេកទេសជង្គង់របស់គេបានល្អមែនទែន ដោយមួយទឹកមិនក្រោម១០ជង្គង់នោះទេ ពេញៗតែម្ដង តែគួរឱ្យស្ដាយ កីឡាករថៃហាក់ដូចជាមិនមានការឈឺចាប់អ្វីឡើយ។ ស៊ុភភើ នៅតែអាចទប់ទល់រហូតដល់ទឹកទី៥បាន ដោយតស៊ូវាយបានខ្លះៗដែរ ប៉ុន្តែមិនត្រូវពេញចំ ឡុង សំណាងម្ដងណាឡើយ។ ចប់ទាំង៥ទឹក ឡុង សំណាង ឈ្នះពិន្ទុកីឡាករថៃ ស៊ុភភើ ។
ឡុង សំណាង ជាកូនសិស្សលោកគ្រូ ឡុង សាលវ័ន្ត មកពីក្លឹបប្រដាល់ សាលវ័ន្តកីឡា។ ជាទូទៅកូនសិស្សរបស់លោកគ្រូ ឡុង សាលវ័ន្តភាគច្រើនពូកែប្រើជង្គង់ជាក់ស្ដែងដូចជា ឡុង សុភី ឡុង សុវណ្ណឌឿន ហើយកីឡាករវ័យក្មេង ឡុង សំណាង ក៏ប្រើជង្គង់ច្រើនហើយបានល្អដែរ។
យ៉ាងណាមិញ នៅថ្ងៃអាទិត្យនេះវិញ សង្វៀន PNN ក៏មានគូពិសេសទៀតដែរគឺជាការប៉ះគ្នារវាង រឿង សោភ័ណ្ឌ ជាមួយ ស៊ុតស្យ៉ាម (ថៃ) និង ខាំ ខ្លានាង តតាំងជាមួយ កុលាបដយ (ថៃ)៕