រដ្ឋសហការជាមួយក្រុមហ៊ុនធំមួយដើម្បីពង្រឹងសុវត្ថិភាពលើប្រព័ន្ធអនឡាញ
- 2017-07-24 04:23:27
- ចំនួនមតិ 0 | ចំនួនចែករំលែក 0
រដ្ឋសហការជាមួយក្រុមហ៊ុនធំមួយដើម្បីពង្រឹងសុវត្ថិភាពលើប្រព័ន្ធអនឡាញ
ចន្លោះមិនឃើញ
ពិធីចុះអនុសារណៈនៃការយោគយល់គ្នាដ៏ធំមួយ រវាងវិទ្យាស្ថានប្រៃសណីយ៍ ទូរគមនាគមន៍ បច្ចេកវិទ្យាគមនាគមន៍ និងព័ត៌មាន (NIPTICT) នៃក្រសួងប្រៃសណីយ៍ទូរគមនាគមន៍កម្ពុជា ជាមួយក្រុមហ៊ុនវៀតធែលកម្ពុជា ភីធីអ៊ី អ៊ិលធីឌី ( VIETTEL Cambodia PTE.,LTD) (ក្រុមហ៊ុនមិត្តហ្វូន) បានប្រព្រឹត្តទៅក្រោមអធិបតីភាព លោក ង្វៀន ថាញ់ញឿង អគ្គនាយកក្រុមហ៊ុនវៀតធែលកម្ពុជា និង ប្រធានវិទ្យាស្ថានប្រៃសណីយ៍ លោក សេង សុភាព កាលពីថ្ងៃទី២០ កក្កដា ២០១៧។
កិច្ចព្រមព្រៀងនេះបានបង្ហាញអំពីការផ្លាស់ប្ដូរជាប្រវត្តិសាស្ត្រនៅក្នុងវិស័យបច្ចេកវិទ្យាព័ត៌មានរបស់រដ្ឋាភិបាលដើម្បីបម្រើផលប្រយោជន៍ដល់សហគ្រិន និងប្រជាជនកម្ពុជាឲ្យកាន់តែមានប្រសិទ្ធិភាពជាងនេះ។
ដោយមានការជឿទុកចិត្តលើសេវាកម្មឈានមុខគេ ពីសំណាក់ប្រជាជនកម្ពុជារាប់លាននាក់ក្រុមហ៊ុនមិត្តហ្វូនបានធ្វើកិច្ចសហប្រតិបត្តិការជាមួយ (NIPTICT) នៅក្នុងកិច្ចប្រឹងប្រែងអភិវឌ្ឍគម្រោងនានា។
គោលបំណងចម្បង គឺដើម្បីធ្វើឲ្យសម្រេចបាននូវគោលដៅអភិវឌ្ឍក្នុងការកសាងសមត្ថភាព ការច្នៃប្រឌិតថ្មី រួមជាមួយការស្រាវជ្រាវនិងអភិវឌ្ឍ ធ្វើឲ្យប្រសើរឡើងនៃការគ្រប់គ្រងតាមប្រព័ន្ធអនឡាញ និងជួយពង្រឹងប្រព័ន្ធសន្តិសុខក៏ដូចជាធ្វើឲ្យមានការរីកចម្រើនឡើងចពោះផ្នែកបច្ចេកវិទ្យាព័ត៌មានដែលសមាមាត្រទៅនឹងគោលការណ៍អភិវឌ្ឍន៍ វិស័យទូរគមនាគមន៍ និងបច្ចេកវិទ្យាព័ត៌មាន ។
តំណាងភាគីទាំងពីរគឺលោកង្វៀន ថាញ់ញឿង អគ្គនាយកក្រុមហ៊ុនវៀតធែលកម្ពុជា និងលោកសេង សុភាព ប្រធានវិទ្យាស្ថានប្រៃសណីយ៍ ទូរគមនាគមន៍បច្ចេកវិទ្យាគមនាគមន៍ និងព័ត៌មាន (NIPTICT) នៃក្រសួងប្រៃសណីយ៍ ទូរគមនាគមន៍កម្ពុជា បានសម្ដែងនូវភាពជឿជាក់និងទំនុកចិត្តចំពោះជោគជ័យនៃគម្រោងមួយនេះ។
មិត្តហ្វូន គឺជាក្រុមហ៊ុនទូរគមនាគមន៍តែមួយគត់ដែលរាជរដ្ឋាភិបាលជ្រើសយកជាដៃគូរក្នុងការអភិវឌ្ឍន៍គម្រោងមួយនេះ ព្រោះក្រុមហ៊ុនមិត្តហ្វូនមានសមត្ថភាពគ្រប់គ្រាន់ដើម្បីអនុវត្តកិច្ចការនេះទូរទាំងប្រទេស ។
គម្រោងនេះក៏បានបង្ហាញពីគោលការណ៍ឈានមុខរបស់ក្រុមហ៊ុនមិត្តហ្វូន ដែលជាអ្នកដំបូងគេនៅក្នុងការអភិវឌ្ឍន៍ប្រទេសជាតិ និងប្រជាជនកម្ពុជា ដោយគោរពតាមទស្សនៈវិស័យរបស់ខ្លួន ចាប់តាំងពីការដំណើរការនៅក្នុងទីផ្សារប្រទេសកម្ពុជា។