ហេតុផល២យ៉ាងដែល ទេព បូព្រឹក្ស ងាកទៅហាត់របាំបុរាណវិញ

2017-07-26 08:10:17
ចំនួនមតិ 0 | ចំនួនចែករំលែក 0

ចន្លោះមិនឃើញ

បើនិយាយដល់តារាចម្រៀង ទេព បូព្រឹក្ស វិញ អ្នកណាៗក៏ទទួលស្គាល់ពីទេពកោសល្យ និងភាពច្នៃប្រឌិតនៃក្បាច់រាំរបស់នាងដែរ។ ដោយឡែក ថ្មីៗនេះនាងបានបង្ហោះរូបថតជាច្រើនក្នុងឈុតសម្លៀកបំពាក់របាំអប្សារា ព្រមទាំងលើកឡើងថាចង់ហាត់រៀនរបាំនេះទៀតផង។

ជុំវិញបញ្ហានេះ បូព្រឹក្ស ដែលធ្លាប់តែបង្ហាញខ្លួនជាមួយក្បាច់រាំញ័រញាក់ប្រាប់ Sabay ថា ច្បាស់ណាស់នាងនឹងទៅហាត់របាំនេះវិញ ដោយហេតុផលគឺ កើតចេញពីចិត្តស្រឡាញ់ ហើយរូបនាងចង់បង្កើតប្រវត្តិសាស្ត្រថ្មី និងគំនិតប្លែកៗក្នុងចម្រៀងរបស់ខ្លួន។

"និយាយទៅបង ចង់ហាត់យូរហើយ តែដោយសារអត់មានពេលវេលាណាមួយដែលស័ក្ដិសម ហើយបងចង់ហាត់វាឲ្យចេះ បន្ទាប់មកទៀតនឹងធ្វើចម្រៀងដែលប្លែកៗទាក់ទងជាមួយរបាំបុរាណនេះ"។ ដៃគូ G-Devith ថ្លែង។

ងាកទៅបទពិសោធន៍ក្នុងទម្រង់សិល្បៈបុរាណវិញ តារាស្រីរូបនេះបញ្ជាក់ថា នាងមិនធ្លាប់ហាត់ពីមុនមកទេ នេះគ្រាន់តែការចាប់ផ្ដើមប៉ុណ្ណោះ។ "ទើបតែចាប់ផ្ដើម មិនទាន់បានហាត់ផងអូន តែគេថា បើបងហាត់អាចឆាប់ចេះ ឆាប់ចាប់បាន" ម្ចាស់បទ "Twerk" បន្ថែម៕