Goo Hara ត្រូវគេសង្ស័យថាជក់កញ្ឆា ព្រោះបង្ហោះរូបភាពមួយសន្លឹកនេះនៅ Instagram

2017-07-26 10:20:50
ចំនួនមតិ 0 | ចំនួនចែករំលែក 0

ចន្លោះមិនឃើញ

មិនឲ្យចាញ់ Sulli ដែលជាមិត្តជិតស្និទ្ធរបស់នាង Goo Hara ត្រូវបានគេចាប់អារម្មណ៍ខ្លាំងថ្មីៗនេះបន្ទាប់ពីបានបង្ហោះរូបមួយសន្លឹកលើបណ្ដាញសង្គម Instagram សង្ស័យថានាងជក់កញ្ឆា។

រូបភាពដែលនាងបានង្ហោះហើយលុបវិញ

នៅថ្ងៃទី២៦ខែកក្កដានេះ Goo Hara បានធ្វើឲ្យអ្នកលេងអ៊ីនធឺណិតជាច្រើនភ្ញាក់ផ្អើលដោយសារតែនាងបង្ហោះរូបភាពបារីមូរដៃដែលមានបូករួមនិងពាក្យថា "វាពិតជាឡូយណាស់"។

រូបភាពនេះបានធ្វើឲ្យអ្នកលេងអ៊ីនធឺណិតជាច្រើននាក់រិះគន់ ថាជាទង្វើមិនសមរម្យ។

មនុស្សជាច្រើនបានសង្ស័យថារូបភាពនោះមិនមែនជាបារីនោះទេ តែវាជាកញ្ឆាដែល T.O.P ធ្លាប់បានជក់។ មិនត្រឹមតែប៉ុណ្ណោះមានអ្នកខ្លះបានទាមទារឲ្យនាងទៅធ្វើតេស្តទៀតផង ថាតើពិតជាបានជក់ឫអត់?

មិនយូរប៉ុន្មាន Goo Hara ក៏បានលុបរូបភាពនោះចោល ហើយជំនួសដោយរូបភាពមួយផ្សេងទៀត។ ក្នុងរូបភាពនោះផងដែរ នាងបានបញ្ជាក់ថាវាគ្រាន់តែជាបារីមូរដៃតែប៉ុណ្ណោះមិនមែនជាកញ្ឆាឡើយ។

រូបភាពនាងបានបង្ហោះបន្ទាប់ពីលុបរូបចាស់ចោល

ទោះបីជា Hara បានពន្យល់ថាបែបនេះក៏ដោយ ក៏អ្នកលេងអ៊ីនធឺណិតទាំងនោះនៅតែមិនពេញចិត្តឡើយដោយគិតថា ទោះបីជានាងមិនបានជក់កញ្ឆាក៏នាងមានទំលាប់ក្នុងការជក់បារីដែរដែលវាជាគំរូមិនល្អមួយ។

ចំពោះបញ្ហានេះអ្នកតំណាងផលិតកម្ម KeyEast ដែលជាផលិតកម្មរបស់ Hara បាននិយាយថា ពួកគេមិនមានអ្វីត្រូវនិយាយនោះទេ ព្រោះវាជាគណនីឯកជនរបស់នាង៕