ឧកញ៉ាម៉ុង ឫទ្ធី ចង់ជួយអ្នកសុំទានម្នាក់ឱ្យមានការងារធ្វើ តែពេលដឹងរឿងមួយ សុំខ្មាស
- 2017-07-27 02:56:38
- ចំនួនមតិ 0 | ចំនួនចែករំលែក 0
ឧកញ៉ាម៉ុង ឫទ្ធី ចង់ជួយអ្នកសុំទានម្នាក់ឱ្យមានការងារធ្វើ តែពេលដឹងរឿងមួយ សុំខ្មាស
ចន្លោះមិនឃើញ
ឯកឧត្ដមបណ្ឌិត ឧកញ៉ា ម៉ុង ឫទ្ធី បានរំឭកប្រវត្តិហួសចិត្តមួយ ជាមួយអ្នកសុំទានមកពីខេត្តតាកែវ ដោយមានចិត្តអាណិតបបួលទៅធ្វើការ និងផ្ដល់កន្លែងឱ្យស្នាក់នៅ តែត្រូវបានអ្នកសុំទាន មានស្រុកកំណើតនៅឃុំលាយបូរខាងលិច ទីរួមខេត្តតាកែវ ប្រាប់ថាក្រោយពីប្រកបរបរធ្វើអ្នកសុំទានរយៈពេល ៥ឆ្នាំ សល់ពីការចំណាយទាំងអស់ បានសង់ផ្ទះមួយខ្នងដូចគេដូចឯង។
ឧកញ៉ា ម៉ុង ឫទ្ធី បានសរសេរនៅបណ្ដាញសង្គមយ៉ាងដូច្នេះថា៖ "ខ្ញុំលើកយកតែម្នាក់ដែលមានស្រុកកំណើតនៅឃុំលាយបូរខាងលិចទីរួមខេត្តតាកែវ គាត់មកសុំទានតាំងតែពីមានកូន១រហូតមកដល់ពេលនេះមានកូន៣នាក់ ទុកកូន២ឱ្យប្ដីមើលគាត់មកសុំទានយកទៅចិញ្ចើមកូននិងប្ដីយកកូន១មកបីជាប់នឹងដៃ គាត់ប្រាប់ខ្ញុំថាសុំទានរយៈពេល៥ឆ្នាំសល់ពីការចំណាយ បានសាងសង់ផ្ទះ១ខ្នងនៅដូចគេដូចឯងដែរ។ ។ មែនទែនទៅខ្ញុំខ្មាសពួកគាត់ណាស់ ខំតែបបួលពួកគាត់ឱ្យទៅធ្វើការងារ និងផ្ដល់ទីជម្រកសមរម្យដល់ពួកគាត់តែការពិតដូចខាងលើទៅវិញ។"
អ្នកជំនួញផ្នែកកសិឧស្សាហកម្មល្បីឈ្មោះខាងលើ បានលើកឡើងទៀតថា ចំណែកឯប្រជាជនក្រីក្រចំណាកស្រុកទៅធ្វើការស្រុកគេ លោកបានចូលរួមទទួលទានអាហារជាមួយ និងបានសាកសួរដូចអ្នកសុំទានខាងលើដែរ តែចម្លើយគឺសុខចិត្តបញ្ចេញពលកម្មលុះក្ស័យ ក៏មិនលើកដៃសុំទានគេជាដាច់ខាត។ ហើយក្រោយមក លោកឧកញ៉ា បានសាងសង់ផ្ទះចំនួន៦៣ខ្នងស្មើនឹង១២៦បន្ទប់ បណ្ដោយប្រែង ១២ម៉ែត្រគុណនឹង៥ម៉ែត្រ ចែកជូនពួកគាត់បានរស់នៅមានហេដ្ឋារចនាសម្ព័ន្ធផ្លូវ ទឹក ភ្លើង សាលារៀន មន្ទីរពេទ្យ វត្តអារាម។ល។
លោកឧកញ៉ាចិត្តសប្បុរសរូបនេះបានចោទជាសំណួរនៅលើបណ្ដាញសង្គមថា មុននឹងធ្វើអំណោយទាន តើយើងត្រូវជ្រើសរើសយកជម្រើសទី១ឬទី២?
ចុចអានអត្ថបទពាក់ព័ន្ធ៖
រោងចក្រកែច្នៃស្បែកសត្វដំបូងគេ កំពុងដំណើរការសាកល្បងនៅកម្ពុជា
ឧកញ៉ា ម៉ុង ឫទ្ធី សម្រេចកិច្ចសន្យានាំចេញស្វាយនិងម្រេច ទៅកាន់ទីផ្សារប្រទេសប៉ូឡូញ
មកមើលជីវិតរស់នៅដ៏សាមញ្ញបំផុត របស់សេដ្ឋីស្រុកខ្មែរ ឧកញ៉ា ម៉ុង ឫទ្ធី