ដូណាល់ ត្រាំ ប្រកាសហាមអ្នកកែភេទចូលបម្រើកងទ័ព ក្រោមហេតុផលមួយ
- 2017-07-27 04:01:20
- ចំនួនមតិ 0 | ចំនួនចែករំលែក 0
ដូណាល់ ត្រាំ ប្រកាសហាមអ្នកកែភេទចូលបម្រើកងទ័ព ក្រោមហេតុផលមួយ
ចន្លោះមិនឃើញ
កាលពីយប់មិញ ប្រធានាធិបតីសហរដ្ឋអាមេរិក ដូណាល់ ត្រាំ បានសរសេរលើបណ្ដាញសង្គមទ្វីតធើ របស់ខ្លួនថា មនុស្សកែភេទនឹងមិនអនុញ្ញាតឲ្យចូលបម្រើកងទ័ពអាមេរិកឡើយ ទោះក្នុងមុខតំណែងណាក៏ដោយ។
លោកបានបញ្ជាក់ថា បន្ទាប់ពីពិគ្រោះយោបល់ជាមួយក្រុមឧត្ដមសេនីយ៍ និងអ្នកជំនាញយោធា បានផ្ដល់ដំបូន្មានថា រដ្ឋាភិបាលអាមេរិកនឹងលែងទទួលមនុស្សកែភេទចូលបម្រើយោធាអាមេរិកទៀតឡើយ ព្រោះមិនចង់ចេញថ្លៃសេវាថែទាំការប្ដូរភេទរបស់គេ។
ការប្រកាសមិនផ្លូវការនេះធ្វើឲ្យគេនឹកទៅដល់ឆ្នាំមុន ពេលនេះដូចគ្នា គឺក្រសួងការពារជាតិអាមេរិកបានយល់ព្រមថា នឹងអនុញ្ញាតឲ្យមនុស្សកែភេទចូលបម្រើយោធាអាមេរិកបាន។ បើតាមរបាយការណ៍បច្ចុប្បន្នក្នុងជួរកងទ័ពអាមេរិកមានទាហានកែភេទចំនួន ៦ ០០០នាក់ កំពុងបម្រើការ។
ចាប់តាំងពីខែតុលាឆ្នាំ ២០១៦ ទាហានកែភេទទាំងអស់បានទទួលថ្លៃសេវាថែទាំសុខភាព និងបានផ្លាស់ប្ដូរលិខិតសម្គាល់ភេទជាផ្លូវការនៅក្រសួងការពារជាតិ។ បើតាមការចុះផ្សាយរបស់សារព័ត៌មានអាមេរិក USA Today ថារដ្ឋត្រូវចំណាយថវិកាលើការថែទាំទាហានកែភេទអស់ប្រមាណ ៨លានដុល្លារក្នុងមួយឆ្នាំៗ។ ទោះយ៉ាងណា ការប្រកាសខាងលើគេមិនច្បាស់ថា អាចប៉ះពាល់ដល់ទាហានកំពុងបម្រើការ ឬយ៉ាងណានោះទេ៕
ចុចអាន៖
មកមើលលទ្ធផលស្ទង់មតិ បើ Mark និង ត្រាំ ឈរឈ្មោះបេក្ខភាពប្រធានាធិបតី ឆ្នាំ២០២០
១២សន្លឹក បង្ហាញពីភាពខុសគ្នា រវាង ដូណាល់ ត្រាំ និង បារ៉ាក់ អូបាម៉ា
អ្នកនឹងភ្ញាក់ផ្អើល ពេលដឹងប្រាក់ខែជំនួយការវ័យក្មេង របស់ ដូណាល់ ត្រាំ