អ្នកប្រដាល់ល្បីឈ្មោះពីររូប និយាយពីការរិះគន់របស់អ្នកចាក់ប្រដាល់ខុសរបៀប

2017-07-27 06:34:05
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ល្បីឈ្មោះរបស់កម្ពុជាគឺកីឡាករ ចាន់ រតនា និង ពៅ សត្តិសិទ្ធិ ថាអ្នករិះគន់ដោយមិនសមហេតុផលនោះ គឺភាគច្រើនជាអ្នកលេងប្រដាល់(ចាក់លុយ) ហើយការរិះគន់ទាំងនោះវាធ្វើឲ្យវិស័យប្រដាល់មិនមានភាពរីកចម្រើននោះទេ។

កីឡាករ ចាន់ រតនា ក្រហម

កីឡាករ ចាន់ រតនា បានឲ្យដឹងថា តាមអ្វីដែលមើលឃើញបច្ចុប្បន្ននេះដូចជាកីឡាករមួយចំនួនធំគឺពួកគេខំប្រឹងប្រែងហ្វឹកហាត់និងប្រកួតយកជ័យជម្នះណាស់ ព្រោះបច្ចុប្បន្នកីឡាករដែលល្អគឺប្រកួតបានលុយច្រើន និងប្រកួតបានច្រើនដងទៀតផង។ ម្យ៉ាងទៀតនោះបច្ចុប្បន្ននេះមានអ្នកគាំទ្រច្រើន មានអ្នកលើកទឹកចិត្តច្រើនតាមរយៈហ្វេសបុក ដូចនេះពួករឹតតែមានខំប្រឹងដើម្បីឈ្នះ។ អ្នកប្រដាល់រូបនេះ ក៏សូមសំណូមពរ ដល់អ្នកលេងប្រដាល់ទាំងអស់ នៅពេលដែលចាញ់លុយសូមកុំរិះគន់ឬជេរប្រទេចពួកកីឡាករអី ការរិះគន់ទាំងនោះមិនបានធ្វើឲ្យវិស័យប្រដាល់គុនខ្មែររីកចម្រើនទៅមុខទេហើយវាបែរធ្វើឲ្យកីឡាករបាក់ទឹកចិត្តទៅវិញ។

កីឡាករ ចាន់ រតនា ក្រហម

កីឡាករ ពៅ សក្តិសិទ្ធិ ក៏បានលើកឡើងមិនខុសពី ចាន់ រតនា នោះដែរ ខ្លួនចង់ឲ្យអ្នកលេងប្រដាល់ទាំងអស់ឲ្យប្ដូរឥរិយាបថឡើងវិញ ពីការរិះគន់ជាលក្ខណៈដែលមិនរីកចម្រើន(ជេរប្រមាថ)ដល់វិស័យប្រដាល់ ឲ្យទៅជាការលើកទឹកចិត្តឬជួយជ្រោមជ្រែងដល់កីឡាករវិញទើបប្រដាល់ខ្មែរមានការរីកចម្រើនថែមទៀត។ អ្នកដែលរិះគន់មិនឬជេរដល់កីឡាករនោះ គឺភាគច្រើនជាអ្នកភ្នាល់លុយ បើអ្នកដែលគេចូលចិត្តប្រដាល់នោះមិនដែលរិះគន់ដូចនេះទេ។ «ដូចខ្ញុំ គេរិះគន់ថាកីឡាករស្រាថ្នាំ កីឡាករវ៉ៃមិនកើតអី ជាក់ស្ដែងខ្ញុំខំប្រឹងវ៉ៃចង់ងាប់ ពេលខ្លះរបួសបែកមុខមាត់ជាដើម ប្រដាល់វាមិនចេះតែឈ្នះគ្រប់ពេលនោះទេ ពេលខ្លះសុខភាពមិនល្អ ឬបរិភោគអ្វីខុសទៅក៏វាអត់កម្លាំងតាមនិងដែរ» សម្ដី ពៅ សក្តិសិទ្ធិ។

កីឡាករ ពៅ សក្តិសិទ្ធិ ក្រហម

គូបញ្ជាក់ដែរថា នាពេលកន្លងមកកីឡាករមួយចំនួនក៏ត្រូវរងការរិះគន់ជាខ្លាំង នៅពេលដែលខ្លួនចាញ់ការប្រកួតនាពេលកន្លងមក។ ចំពោះកីឡាករមួយចំនួនក៏បានលើកឡើង ពីការអាក់អន់ស្រពោនចិត្តតាមបណ្ដាញហ្វេសបុក របស់ខ្លួនឬតាមរយៈព័ត៌មានផងដែរ។ តែការរិះគន់មួយចំនួនក៏រិះគន់បានត្រឹមត្រូវដែរ ដោយកីឡាករខ្លះមិនបានខិតខំប្រកួតឲ្យអស់ពីសមត្ថភាពនោះដែរ គឺគ្រាន់តែឡើងដើម្បីតែបានតម្លៃខ្លួននោះទេ៕

អត្ថបទ៖ នួន ស៊ីណា