បុគ្គលិកនៅការិយាល័យថ្មីរបស់ Apple ត្រូវបង់លុយថ្លៃបាយថ្ងៃ

2017-07-27 12:04:57
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Jonathan Ive ប្រធានផ្នែករចនារបស់ Apple ថ្លែងថា "ការិយាល័យកណ្ដាលថ្មីរបស់ពួកគេដែលមានឈ្មោះថា Spaceship ឬ Apple Park គឺត្រូវតម្រូវឲ្យបុគ្គលិកចំណាយប្រាក់ដើម្បីអាចទទួលទានអាហារពេលថ្ងៃត្រង់ក្នុងអាហារដ្ឋានរបស់ក្រុមហ៊ុន"។

ការតម្រូវឲ្យបុគ្គលិកប្រមាណ ១៤ ០០០ នាក់ទិញអាហារថ្ងៃត្រង់ក្នុងអាហារដ្ឋានរបស់ក្រុមហ៊ុននេះ ព្រោះក្រុមប្រឹក្សាភិបាលរបស់ Apple និងធ្លាប់ជាគំនិតរបស់ Steve Jobs ដែលលើកថា "គ្មានអ្នកណាឲ្យតម្លៃលើរបស់ដែលបានដោយឥតគិតថ្លៃនោះទេ" ដូចនេះ ដើម្បីឲ្យបុគ្គលិកដឹងពីតម្លៃរបស់ម្ហូបអាហារ ទើបក្រុមហ៊ុនសម្រេចយ៉ាងនេះ។ ប៉ុន្តែចំពោះតម្លៃម្ហូបក្នុងអាហារដ្ឋានរបស់ Apple នេះ គឺគេមិនលក់ថ្លៃ ឬយកចំណេញច្រើននោះទេ។

Apple Park មានទីតាំងនៅទីក្រុង Cupertino រដ្ឋ California អាចផ្ទុកបុគ្គលិកបាន ១៤ ០០០ នាក់។ មានចតរថយន្តចំនួន ១១ ០០០ កន្លែងសម្រាប់បុគ្គលិកទាំង ១៤ ០០០ នាក់ ហើយរថយន្តជាច្រើនអាចចតនៅកន្លែងចតក្រោមដីមានទីតាំងនៅខាងក្រោមអគារមេ ហើយរថយន្តជាច្រើនទៀតក៏អាចចតនៅអគារចតរថយន្តចំនួនពីរកន្លែងផ្សេងទៀត៕

ចុចអានបន្ត ៖

ប្រភព៖ The Wall Street Journal ប្រែសម្រួល៖ រដ្ឋ