មិនទាន់អីផង Bill Gates ក្លាយជាអ្នកមានដាច់គេលើលោកវិញបាត់
- 2017-07-28 03:39:14
- ចំនួនមតិ 0 | ចំនួនចែករំលែក 0
មិនទាន់អីផង Bill Gates ក្លាយជាអ្នកមានដាច់គេលើលោកវិញបាត់
ចន្លោះមិនឃើញ
កាលពីយប់មិញនេះលោក Jeff Bezos នាយកប្រតិបត្តិក្រុមហ៊ុន Amazon បានក្លាយជាបុគ្គលមានដាច់គេក្នុងលោកលំដាប់ទីមួយ បន្ទាប់ពីតម្លៃភាគហ៊ុនឡើងដល់ ១៥ ដុល្លារក្នុងមួយហ៊ុន ធ្វើឲ្យទ្រព្យសម្បត្តិរបស់សេដ្ឋីរូបនេះឡើងដល់ ៩២,៣ ពាន់លានដុល្លារ។
យ៉ាងណាក្ដីលោក Jeff កាន់កាប់តំណែងកំពូលនេះបានត្រឹមប៉ុន្មានម៉ោងប៉ុណ្ណោះ ព្រោះតម្លៃភាគហ៊ុន Aamazon បានធ្លាក់ចុះវិញបន្ទាប់ពីបានប្រកាសពីចំណូលប្រចាំត្រីមាសទីពីររបស់ខ្លួន ដែលមានការធ្លាក់ចុះ ៧៧% បើធៀបនឹងពេលដូចគ្នាកាលឆ្នាំមុន។ ការធ្លាក់ចុះដោយសារតែ Amazon បានចំណាយលើការបណ្ដាក់ទុនច្រើនលើជំនួញរបស់ខ្លួន។
មូលហេតុនេះហើយធ្វើឲ្យទ្រព្យសម្បត្តិសរុបរបស់មេ Amazon ធ្លាក់ចុះនៅត្រឹម ៨៩,៩ ពាន់លានដុល្លារ។ ដូចនេះធ្វើឲ្យលោក Bill Gates ឡើងមកតំណែងកំពូលវិញជាមួយទ្រព្យសម្បត្តិ ៩០,៨ ពាន់លានដុល្លារ។
ត្បិតថាមេ Amazon កាន់កាប់តំណែងបានរយៈពេលខ្លីមែន ប៉ុន្តែគេរំពឹងថាក្នុងពេលដ៏ខ្លីខាងមុខមហាសេដ្ឋីរូបនេះនឹងអាចឡើងកាន់តំណែងកំពូលវិញ ហើយអាចនឹងកាន់កាប់បានយូរទៀតផង។ បញ្ជាក់ដែរថាបុគ្គលមានជាងគេលំដាប់ទី ៣ នាពេលបច្ចុប្បន្នគឺលោក Amancio Ortega ម្ចាស់ម៉ាកសំលៀកបំពាក់ដែលមានទ្រព្យសម្បត្តិ ៨២,៧ ពាន់លានដុល្លារ៕
ចុចអាន៖
មេ Amazon ស៊ីដាច់ Bill Gates ក្លាយជាអ្នកមានបំផុតក្នុងលោក
Jack Ma ឲ្យដំបូន្មានថានៅអាយុ ២០ ៣០ ៤០ ៥០ ៦០ ឆ្នាំគួរធ្វើអ្វី