សិស្សសាលាជំនាន់ថ្មី ទៅប្រកួត ៦ប្រទេស បានមេដាយ និងលិខិតសរសើរច្រើនសន្ធឹក

2017-07-28 09:36:41
ចំនួនមតិ 0 | ចំនួនចែករំលែក 0

ចន្លោះមិនឃើញ

សិស្សានុសិស្សចំនួន ១៨ រូប ពីសាលាជំនាន់ថ្មីនៃវិទ្យាល័យព្រះស៊ីសុវត្ថិ បានទៅចូលរួមប្រកួតកម្មវិធីសិក្សាលំដាប់អន្តរជាតិ ចំនួន ៦ប្រទេសធំៗក្នុងតំបន់អាស៊ី ដោយបានពាំនាំនូវមេដាយមាស មេដាយប្រាក់ និងលិខិតសរសើរជាច្រើនមកកាន់ទឹកដីកម្ពុជាវិញដោយកិត្តិយសបំផុត។

នាព្រឹកថ្ងៃទី ២៨ ខែកក្កដា លោក សម្យ កំសាន្ត នាយករងនៃវិទ្យាល័យព្រះស៊ីសុវត្ថិ បានរៀបចំពិធីជួបជុំ សិស្សពូកែចំនួន ១៨រូប លោកបានមានប្រសាសន៍ថា នេះគឺជាកិត្តិយសសម្រាប់កម្ពុជា ដែលបានបង្ហាញសមត្ថភាពលើការប្រកួតលំដាប់ថ្នាក់អន្តរជាតិ។

លោក សម្យ កំសាន្ត នាយករងនៃវិទ្យាល័យព្រះស៊ីសុវត្ថិ

លោក បានឲ្យដឹងដែរថា « សិស្សដែលទៅចូលរួមប្រកួត គឺសុទ្ធតែជាសិស្សចេញពីសាលាជំនាន់ថ្មី ដែលមានចាប់ពីថ្នាក់ទី ៧ ដល់ទី ១១ ហើយកូនសិស្សចូលរួមសរុបចំនួន ២៣ ក្នុងនោះ ១៨រូប ទៅប្រកួតនៅប្រទេសចំនួន ៦ មានដូចជា ប្រទេសជប៉ុន ឥណ្ឌា ចិន ថៃ ឥណ្ឌូនេស៊ី និងហ្វីលីពីន ដោយឡែក សិស្ស៥រូប បានជាប់ត្រឹមថ្នាក់ជាតិនៃការប្រកួត Technovation 2017 »។

សិស្សចំនួន ១៨ រូប ពីសាលាជំនាន់ថ្មីនៃវិទ្យាល័យព្រះស៊ីសុវត្ថិ

លោក បន្តថា៖ « កូនសិស្សចំនួន ៦ មាន ១រូប ទទួលបានមេដាយមាស ផ្នែករូបវិទ្យា ពីការប្រកួតអូឡាំព្យា ២០១៧ នៅប្រទេសឥណ្ឌូនេស៊ី និង ៥រូបទៀត ឈ្នះមេដាយប្រាក់ ចំនួន ៥ ពីកម្មវីធីប្រកួត Global Natural History Day ពាក់ព័ន្ធនឹងបរិស្ថាន នៅឯប្រទេសចិន ខណៈកូនសិស្ស ១២នាក់ ទទួលបានលិខិតសរសើរ»៕

សូមអានអត្ថបទទាក់ទង