Iniesta ចង់ឲ្យ Neyma និយាយចេញមកថា នៅឬទៅ ដើម្បីបញ្ចប់រឿង

2017-07-29 09:05:28
ចំនួនមតិ 0 | ចំនួនចែករំលែក 0

ចន្លោះមិនឃើញ

Andres Iniesta មិនចង់ឃើញមិត្តរួមក្រុមពីចេញពីក្លឹប Barcelona នោះទេ តែបើត្រូវទៅ ឬមិនទៅ ខ្សែបម្រើចាស់វស្សារូបនេះ ចង់ឲ្យ Neyma និយាយចេញជាសាធារណៈមកពីផ្លូវអនាគតរបស់គេ។

កីឡាករវ័យ៣៣ឆ្នាំរូបនេះថា ពាក្យចចាមអារ៉ាមទាក់ទង Neyma ផ្លាស់ទៅកាន់ Paris Saint-Germain គឺជា "សំឡេងរំខាន" គ្រប់គ្នាចង់ឲ្យឆាកល្ខោននេះបញ្ចប់ ហើយអ្នកដែលអាចធ្វើការសម្រេចចិត្តបានតែ Neymaម្នាក់គត់។

សង្គ្រាមពាក្យចចាមអារ៉ាមនេះកាន់តែខ្លាំងឡើង ពិសេសចាប់តាំងពីប្រធានក្លឹបBarcelona លោក Josep Maria Bartomeu ថា ចង់នៅឬទៅ Neymar សម្រេចខ្លួនឯង។

“Neymar គឺជាកីឡាករល្អបំផុតម្នាក់នៅក្នុងពិភពលោក ហើយគេបានផ្ដល់ឱ្យយើងច្រើន។ ខ្ញុំមិនគិតថាលុយ 200 ឬ 300 លាន ធ្វើឲ្យក្លឹប ទទួលបានប្រយោជន៍ច្រើនជាងមានរូបគេនោះទេ។ ខ្ញុំចង់បានកីឡាករល្អបំផុតនៅក្នុងក្រុមរបស់ខ្ញុំហើយគេគឺជាកីឡាករល្អបំផុត"។ សម្ដី Iniesta ក្នុងសន្និសីទកាសែត មុនការប្រកួត El Clasico នៅ Miamiមកដល់ស្អែកព្រឹក៕

ចុចអាន៖

ប្រភព៖ Goal ប្រែសម្រួល៖ សុខ លាងហ៊ត