ស្វាយរៀងឈរលេខ១ ដាច់៤ពិន្ទុក្នុងតារាងលីគកំពូលកម្ពុជា
- 2017-07-31 01:58:45
- ចំនួនមតិ 0 | ចំនួនចែករំលែក 0
ស្វាយរៀងឈរលេខ១ ដាច់៤ពិន្ទុក្នុងតារាងលីគកំពូលកម្ពុជា
ចន្លោះមិនឃើញ
ក្លឹបព្រះខ័នរាជស្វាយរៀង ក្រោយពីយកឈ្នះក្រុមលេខ២ ក្រសួងការពារជាតិហើយ គឺឈរចំណាត់ថ្នាក់លេខ១ ដាច់៤ពិន្ទុតែម្ដងក្នុងតារាងលីគកំពូលកម្ពុជា។
ការប្រកួតសប្ដាហ៍ទី១៤កន្លងទៅ ពិតជាស្វិតស្វាញខ្លាំងមែនទែនសម្រាប់ក្រុមព្រះខ័នរាជស្វាយរៀង និងក្រសួងការពារជាតិ នៅកីឡដ្ឋានស្វាយរៀង។ យ៉ាងណាមិញ លទ្ធផលបញ្ចប់ទៅ ៣-២ បានធ្វើឱ្យក្រុមម្ចាស់ផ្ទះបន្ដឈរនៅកំពូលតារាង ដោយដាច់ក្រុមក្រសួងការពារជាតិដល់ទៅ៤ពិន្ទុឯណោះ។
មួយវិញទៀត ក្រុមភ្នំពេញក្រោនក្រោយពីយកឈ្នះលើអគ្គីសនីកម្ពុជា ៦-៣ ហើយនោះ បានហក់ឡើងទៅឈរនៅចំណាត់ថ្នាក់លេខ៣ មានពិន្ទុ២៧ពិន្ទុដូចគ្នាជាមួយក្រុមក្រសួងការពារជាតិ។ ខណៈដែលណាហ្គាវើលវិញ ក្រោយពីស្មើជាមួយបឹងកេតនៅចុងម៉ោងចែកគ្នាម្នាក់១ពិន្ទុគឺឈរនៅចំណាត់ថ្នាក់លេខ៤ មាន២៦ពិន្ទុ តាមពីក្រោយដោយបឹងកេតឈរលេខ៥ មាន២៤ពិន្ទុ។
ក្រោយពីបញ្ចប់ការប្រកួតសប្ដាហ៍ទី១៤នេះទៅ លីគកំពូលកម្ពុជានឹងត្រូវសម្រាក១ខែទៀត ដើម្បីឱ្យក្រុមកីឡាករដែលជាប់ជម្រើសជាតិក្រោមអាយុ២២ឆ្នាំ ត្រូវទៅប្រកួតក្នុងព្រឹត្តិការណ៍ស៊ីហ្គេមនៅប្រទេសម៉ាឡេស៊ី៕
ចំណាត់ថ្នាក់លីគកំពូលកម្ពុជា៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
