រៀនដោះស្រាយកំហឹង មិនប៉ះពាល់ដល់អ្នកដទៃ និងមិនឈឺចាប់ខ្លួនឯង
- 2017-08-01 04:55:25
- ចំនួនមតិ 0 | ចំនួនចែករំលែក 0
រៀនដោះស្រាយកំហឹង មិនប៉ះពាល់ដល់អ្នកដទៃ និងមិនឈឺចាប់ខ្លួនឯង
ចន្លោះមិនឃើញ
មនុស្សម្នាក់ៗ តែងមានកំហឹងក្នុងខ្លួន មិនថាតិច ឬច្រើន ហើយវាអាចកើតឡើងរវាងប្ដីជាមួយប្រពន្ធ កូនជាមួយឪពុកម្ដាយ បងជាមួយប្អូន ថៅកែជាមួយកូនចៅ មិត្តភក្តិជាមួយមិត្តភក្តិ និងបុគ្គលិកធ្វើការជាមួយគ្នាជាដើម។ ពេលខ្លះ កំហឹងអាច នាំឲ្យកើតជាហិង្សា បើមិនចេះរំលត់។
ចុះតើអ្នកគួរតែដោះស្រាយដោយវិធីណា?
លោកស្រី សរ ស៊ីណែត អនុប្រធាននាយកដ្ឋាន ការពារផ្នែកច្បាប់នៃក្រសួងកិច្ចការនារី បានប្រាប់វិធីសាស្ត្រដោះស្រាយកំហឹងខាងលើ ដោយមិនប៉ះពាល់ដល់អ្នកដទៃ និងមិនឈឺចាប់ខ្លួនឯង។ វិធីសាស្ត្រនេះ នឹងមានប្រសិទ្ធភាពភ្លាមៗ ប្រសិនបើអ្នកអាចធ្វើបាន។
ជំហានទី១. ត្រូវដឹងពីអារម្មណ៍អ្នកដូចម្ដេច?
ស្វែងយល់ពីអារម្មណ៍របស់លោកអ្នក តើវាជាអារម្មណ៍ ខឹង ប្រច័ណ្ឌ ច្រណែន ឈ្នានីស មួម៉ៅ តូចចិត្ត ឬក៏យ៉ាងណា?
ជំហានទី២. ត្រូវទទួលស្គាល់អារម្មណ៍របស់ខ្លួន
បន្ទាប់មកត្រូវទទួលស្គាល់ថា លោកអ្នកកំពុងតែខឹងគេមែន យើងកំពុងតែច្រណែនគេមែន ត្រូវដឹងឲ្យច្បាស់ និងព្រមទទួលអារម្មណ៍នោះពិតមែន។
ជំហានទី៣. រកវិធីដោះស្រាយ
ពេលដែលស្ថិតក្នុងស្ថានភាព ខឹងសម្បារ លោកអាចនឹងនិយាយអ្វីដែលគ្មានការគិត ទៅកាន់មនុស្សជុំវិញខ្លួន ហេតុនេះ ដើម្បីដោះស្រាយកំហឹង មិនធ្វើឲ្យប៉ះពាល់ដល់អ្នកដទៃ និងមិនឈឺចាប់ខ្លួនឯងនោះ ត្រូវប្រកាន់ខ្ជប់ទឹកចិត្តមេត្តា និងអធ្យាស្រ័យជានិច្ច មួយវិញទៀត អ្វីដែលសំខាន់នោះ គឺការរក្សាលំនឹងគំនិត ព្រោះវាដើរតួនាទីយ៉ាងសំខាន់ក្នុងការដោះស្រាយបញ្ហាខឹងក្រោធ ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
