ភ្ញាក់ផ្អើលពេលឮថា អ្នកមានបំផុតលើផែនដី មិនមែន Bill Gates
- 2017-08-01 03:32:53
- ចំនួនមតិ 0 | ចំនួនចែករំលែក 0
ភ្ញាក់ផ្អើលពេលឮថា អ្នកមានបំផុតលើផែនដី មិនមែន Bill Gates
ចន្លោះមិនឃើញ
កាលពីថ្ងៃម្សិលមិញសារព័ត៌មានអង់គ្លេស Independent បានចុះផ្សាយព័ត៌មានគួរឲ្យភ្ញាក់ផ្អើលមួយដោយស្រង់សម្ដីពីមន្ត្រីហិរញ្ញវត្ថុសហរដ្ឋអាមេរិកលោក Bill Browder ប្រាប់សមាជិកព្រឹទ្ធសភាអាមេរិកថា ទ្រព្យសម្បត្តិរបស់ប្រធានាធិបតីរុស្ស៊ី វ្ល៉ាឌិមៀ ពូទីន គឺមានជាងមហាសេដ្ឋី Bill Gates និង Jeff Bezos បូកបញ្ចូលគ្នាទៅទៀត។
ស្ថាបនិកក្រុមហ៊ុន Microsoft លោក Bill Gates និងស្ថាបនិកក្រុមហ៊ុន Amazon លោក Jeff Bezos ត្រូវគេដឹងថា ស្ថិតក្នុងចំណោមអ្នកមានទ្រព្យសម្បត្តិច្រើនជាងគេក្នុងលោកលោក Bill Gates មានទ្រព្យ ៨៦ពាន់លានដុល្លារឈរនៅលំដាប់ទី ១ និងលោក Jeff Bezos មានទ្រព្យ ៧២ពាន់លានដុល្លារ ឈរលំដាប់ទី ៣។
យោងទៅតាមសារព័ត៌មាន Newsweek រៀបរាប់ថា នាយកប្រតិបត្តិ Hermitage Capital Management បានសិក្សារកឃើញប្រធានាធិបតី ពូទីន មានទ្រព្យសម្បត្តិប្រមាណ ២០០ពាន់លានដុល្លារអាមេរិកឯណោះ។
ប្រភពដដែលបន្តថា លោកពូទីន បានចាប់ដៃគូរកស៊ីជាមួយអ្នកជំនួញរុស្ស៊ីជាច្រើនរូបទើបធ្វើឲ្យ ពូទីន ក្លាយជាមនុស្សមានបំផុតលើលោក តែមិនបានបង្ហាញជាសាធារណៈទេ។ យ៉ាងណា មន្ត្រីរបស់លោកប្រធានាធិបតីរុស្ស៊ីរូបនេះធ្លាប់បញ្ជាក់ថា ពូទីន អាចរកចំណូលប្រមាណ ១៣៣ ០០០ដុល្លារក្នុងមួយឆ្នាំ និងរស់នៅក្នុងផ្ទះល្វែងសាមញ្ញបំផុតមួយក្នុងទីក្រុងមូស្គូ។
កាលពីសប្ដាហ៍មុន លោក Bezos បានក្លាយជាមនុស្សមានបំផុតក្នុងលោកប៉ុន្មានម៉ោងដែរ បន្ទាប់ពីភាគហ៊ុន Amazon បានឡើងថ្លៃហួសការរំពឹងទុក តែក៏ត្រូវធ្លាក់ចុះមកតម្លៃធម្មតាវិញ៕
ចុចអាន៖
ប៊ីល ហ្គេត រក្សាចំណាត់ថ្នាក់ជាមហាសេដ្ឋីលេខ១លើលោក តែត្រាំ ធ្លាក់ចុះរាប់រយ
ពីអ្នកដឹកជញ្ជូនឥវ៉ាន់តាមកូនឡានខុសច្បាប់ ក្លាយជាមហាសេដ្ឋីលេខ៤នៅចិន
មហាសេដ្ឋីលេខ២ នៅថៃ ពីអ្នកចៀននំលក់តាមផ្លូវ រហូតមានទ្រព្យរាប់ពាន់លានដុល្លារ