បង់ក្លាដែស ត្រៀមទិញអង្ករកម្ពុជា ១លានតោន
- 2017-08-01 07:33:29
- ចំនួនមតិ 0 | ចំនួនចែករំលែក 0
បង់ក្លាដែស ត្រៀមទិញអង្ករកម្ពុជា ១លានតោន
ចន្លោះមិនឃើញ
ក្រសួងពាណិជ្ជកម្ម និងរដ្ឋមន្ត្រីនៃប្រទេសបង់ក្លាដែស នឹងចុះអនុស្សរណៈយោគយល់គ្នា (MOU) ស្ដីពីការនាំចេញអង្ករស និងអង្ករចំហុយសរុប១លានតោនក្នុងរយៈពេល៥ឆ្នាំ។ ជំនួបប្រជុំទេ្វរភាគី ដើម្បីចុះអនុស្សរណៈយោគយល់គ្នានេះ នឹងចាប់ផ្ដើមនៅថ្ងៃទី ០២ ខែសីហា ស្អែកនេះ ។ នេះបើតាមសេចក្ដីប្រកាសពត៌មានពីក្រសួងពាណិជ្ជកម្ម។
ឯកឧត្តម ចាន់ សុខទី អគ្គនាយកក្រុមហ៊ុនគ្រីនត្រេដ បានគូសបញ្ជាក់ថា អនុស្សរណៈនេះ នឹងគ្របដណ្ដប់លើប្រតិបត្តិការទិញ/លក់អង្ករទាំងអស់ ដែលនឹងត្រូវអនុវត្តដោយសហព័ន្ធស្រូវអង្ករកម្ពុជា នៃព្រះរាជាណាចក្រកម្ពុជា ជាមួយអគ្គនាយកម្ហូបអាហារ (DGF) ដែលជាក្រុមហ៊ុនសហគ្រាសសាធារណៈ ចំណុះឲ្យក្រសួងស្បៀងអាហារនៃសាធារណរដ្ឋប្រជាមានិតបង់ក្លាដែស ។
លោកថា បន្ទាប់ពីចុះអនុស្សរណៈយោគយល់គ្នារួចរាល់ ក្រុមហ៊ុន ឬសហគ្រាសរោងម៉ាស៊ីនស្រូងអង្ករទាំងឡាយ នឹងធ្វើការជាមួយសហព័ន្ធស្រូវអង្ករកម្ពុជា ដើម្បីនាំចេញទៅប្រទេសបង់ក្លាដែស ក្នុងបរិមាណអង្ករ ១លានតោន រយៈពេល ៥ឆ្នាំ គិតចាប់ពីការចុះ MOU ។ លោកបន្ថែមថា ពាក់ព័ន្ធនឹងតម្លៃវិញ ភាគីទាំងពីរនឹងចរចាគ្នានៅថ្ងៃស្អែកនេះ។
សូមតាមដានពត៌មានលម្អិតបន្ថែម តាមរយៈក្រុមការងារ Sabay នឹងរាយការណ៍ព័ត៌មានពិស្ដារនៅថ្ងៃរសៀលស្អែកនេះ៕