តិកនិកនិយាយភាសាអង់គ្លេសឲ្យបានល្អក្នុងរយៈពេលខ្លី
- 2017-08-02 07:22:40
- ចំនួនមតិ 0 | ចំនួនចែករំលែក 0
តិកនិកនិយាយភាសាអង់គ្លេសឲ្យបានល្អក្នុងរយៈពេលខ្លី
ចន្លោះមិនឃើញ
តម្រូវការភាសាអង់គ្លេសនៅកម្ពុជា កំពុងត្រូវប៉ាន់តាមស្ថាប័ន ក្រុមហ៊ុនឯកជន និងអង្គការនានា។ យ៉ាងណាមិញថ្ងៃនេះ Sabay សូមចូលរួមចែករំលែកដល់ប្រិយមិត្តអ្នកអាន អំពីវិធីសាស្ត្រនិយាយភាសាអង់គ្លេសបានល្អ និងមានប្រសិទ្ធភាពក្នុងរយៈពេលខ្លី តាមរយៈកញ្ញា ឈី សុខទីនផល្លីន ដែលជាអតីតនិស្សិតវិទ្យាស្ថានភាសាបរទស (IFL) ដោយកញ្ញាបានចូលរួមផ្ដល់ជាបទពិសោធន៍ក្នុងការនិយាយភាសាអង់គ្លេសបានល្អ។
ជំហានទី១. ទំនុកចិត្ត
ដំបូងលោកអ្នកត្រូវតែបង្កើតទំនុកចិត្តឲ្យខ្លួនឯងជាមុន ជម្រះភាពភ័យខ្លាច និងព្យាយាម ទន្ទេញពាក្យឲ្យបានច្រើន ជាពិសេសពេលនៅម្នាក់ឯង ត្រូវហ៊ាននិយាយចេញមកឲ្យខ្លាំងៗ។
ជំហានទី២. កុំគិតវេយ្យាករណ៍
ដំណាក់កាលនេះ ត្រូវផ្ដោតសំខាន់លើការនិយាយដោយរលូន Fluency ពោលគឺអ្នកចេះតែនិយាយអ្វីដែលអ្នកចង់និយាយសិនទៅ មិនថាខុស ឬត្រូវវេយ្យាករណ៍ក៏ដោយ ក៏កុំខ្វល់ ត្រូវព្យាយាមពាក្យទាំងនោះឲ្យចេញមកក្រៅតែឯង ឬនិយាយជាមួយគ្រូក៏បាន។
ជំហានទី៣. ចំណាំពាក្យមិនច្បាស់
បន្ទាប់ពីហ្វឹកហាត់និយាយភាសាអង់គ្លេសបានរលូនហើយ អ្នកត្រូវកត់ចំណាំពាក្យដែលមិនសូវចេះបញ្ចេញសម្លេង (Pronunciation) ហើយយកមកស្រាវជ្រាវ ឬសាកសួរគ្រូបន្ថែម ក្រោយមកត្រូវទន្ទេញ ឬប្រើវាឲ្យបានញឹកញាប់តាមដែលអាចធ្វើបាន។
ជំហានទី៤. បត់បែនតាមវេយ្យាករណ៍
នៅពេលដែលអ្នកនិយាយបានល្អ និងលែងភ័យហើយ ការនិយាយឲ្យមានស្តង់ដារ ជារឿងចាំបាច់ផងដែរ សម្រាប់ការថ្លែងសន្ទរកថាលើវេទិកាណាមួយ។ ហេតុនេះ លោកអ្នកត្រូវរៀបចំការនិយាយឲ្យត្រូវបានវេយ្យាករណ៍ និងងាយស្ដាប់បាន។
ជំហានទី៥. និយាយឲ្យមានន័យ
ចំណុចចុងក្រោយ ជាការបន្ថែមរបស់ប្អូនស្រី ផល្លីន ដែលកញ្ញាបានលើកឡើងថា « ចំណុចនេះសំខាន់ណាស់ ព្រោះថា ការនិយាយជាហូរហែរ ទោះបីនិយាយបានល្អយ៉ាងណា តែអ្នកស្ដាប់ ឬអ្នកសន្ទនាជាមួយយើងគេចាប់សម្ដីយើងមិនបាន វាប្រៀបដូចជាការនិយាយគ្មានន័យ»។ ដូច្នេះ លោកអ្នកត្រូវរៀននិយាយឲ្យមានអត្ថន័យ និងចំៗចំណុច។ កញ្ញាបញ្ជាក់បន្ថែម។
សូមទស្សនា សមត្ថភាពនិយាយភាសារបស់ប្អូនស្រី ឈី សុខទីនផល្លីន