ក្រសួងពាណិជ្ជកម្មប្រកាសប្រមូលទិញអង្ករ ដើម្បីលក់ឲ្យបង់ក្លាដែស បន្ទាន់

2017-08-03 00:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងពាណិជ្ជកម្ម កំពុងត្រៀមកោះហៅក្រុមហ៊ុនអង្ករនៅកម្ពុជា ដើម្បីប្រមូលទិញ តាមរយៈចុះកិច្ចព្រមព្រៀងជាមួយសហព័ន្ធស្រូវអង្ករ (CRF) ក្រោយបញ្ចប់កិច្ចការចុះអនុស្សរណៈជាមួយប្រទេសបង់ក្លាដែសភ្លាមៗ លើការទិញអង្ករចំនួន ១លានតោន រយៈពេល ៥ឆ្នាំ នៅថ្ងៃទី ០២ សីហា ម្សិលមិញនេះ។

ឯកឧត្តម ប៉ាន សូរសក្ដិ រដ្ឋមន្ត្រីនៃក្រសួងពាណិជ្ជកម្ម បានថ្លែងប្រាប់អ្នកកាសែតថា៖ « ក្រោយពីចុះអនុស្សរណៈជាមួយរដ្ឋមន្ត្រីក្រសួងស្បៀងអាហារនៃប្រទេសបង់ក្លាដែសនេះរួច យើងនឹងបន្តកិច្ចការចុះ MOU ជាមួយវិស័យឯកជនក្នុងស្រុក ដើម្បីប្រមូលទិញអង្ករយកទៅលក់ឲ្យបង់ក្លាដែស»។ លោកបន្ថែមថា ការប្រមូលទិញនេះ នឹងធ្វើតាមរយៈ ការដឹកនាំរបស់ហ្គ្រីនត្រេដ និងសហព័ន្ធស្រូវអង្ករកម្ពុជា។

ទ្វេរភាគីបានចុះអនុស្សរណៈស្ដីពីការទិញ/លក់អង្ករ ចាប់ពីឆ្នាំ ២០១៧ ដល់ ឆ្នាំ ២០២២ ដែលភាគីកម្ពុជាត្រូវប្រមូលទិញអង្ករសរុបចំនួន ១លានតោន ក្នុងនោះ កម្ពុជាត្រូវលក់ឲ្យបង់ក្លាដែសចំនួន ២៥ ម៉ឺនតោន ១ឆ្នាំ ដោយ ២០ម៉ឺនតោន ជាអង្ករស និង៥ម៉ឺនតោនជាអង្ករចំហុយ។ ចំពោះតម្លៃនឹងលក់ក្នុងតម្លៃទីផ្សារ។ ដោយឡែកកម្ពុជា នឹងចាប់ផ្ដើមនាំចេញអង្ករទៅបង់ក្លាដែសនៅអំឡុងខែតុលា ឆ្នាំ ២០១៧ ខាងមុខនេះ។

យ៉ាងណាមិញ ក៏សូមជម្រាបបន្ថែមដែរថា មូលហេតុនៃការកម្មង់ទិញពីប្រទេសបង់ក្លាដែសជាបន្ទាន់នេះ ដោយសារប្រទេសនេះបានជួបគ្រោះទឹកជំនន់ធ្វើឲ្យប៉ះពាល់ដល់ផលដំណាំ ខណៈបង់ក្លាដែស មានការផលិតអង្ករក្នុង១ឆ្នាំ ប្រមាណ ៣៥លានតោន។ ត្បិតបែបនេះ រដ្ឋមន្ត្រីក្រសួងពាណិជ្ជកម្ម បានបង្ហាញសុទិដ្ឋិនិយមថានេះ ជាការបើកទំព័រថ្មីមួយទៀតសម្រាប់កិច្ចសហប្រតិបត្តិការរវាងប្រទេសទាំងពីរ ហើយលោករំពឹងថាតម្លៃស្រូវ ឆ្នាំនេះនឹងប្រសើរឡើងផងដែរ។

គួររំឮកដែរថាការនាំចេញអង្កររបស់កម្ពុជាទៅក្រៅប្រទេសនៅឆ្នាំ ២០១៦ មានចំនួន ៥៤២ ១៤៤តោន កើនឡើង ០,៧% បើធៀបឆ្នាំ ២០១៥ មានត្រឹម ៥៣៨ ៣៩៦ តោន។ សម្រាប់ឆមាសដំបូងឆ្នាំ២០១៧ កម្ពុជាបាននាំចេញ ចមណូន ៣០ ៩២៥ តោន។ នេះតាម របាយការណ៍នៃក្រសួងពាណិជ្ជកម្ម៕

អត្ថបទ៖ ស៊ិន សាវ៉េត

ពាក្យទាក់ទង

កសិកម្ម

អត្ថបទពេញនិយម

តារា K-Pop នារីទាំង ១០ ជាប់ជាសំណព្វចិត្តរបស់ក្រុមនារីស្រឡាញ់ភេទដូចគ្នានៅកូរ៉េ

តារាចម្រៀងរាប់ភ្លេចលើលោក ប៉ុន្តែមានតែ ២៩នាក់ជាប់ជា «បុគ្គលមានឥទ្ធិពលខ្លាំង» លើ Instagram

មកស្គាល់ពីរថភ្លើងមានល្បឿនលឿនបំផុតក្នុងសម័យទំនើប

មកដឹងអំពី! អត្ថន័យពិធីស្រង់ព្រះថ្ងៃបុណ្យចូលឆ្នាំខ្មែរ មិនសម្តៅតែលើព្រះពុទ្ធបដិមាទេ កុំភ្លេចព្រះរស់ក្នុងផ្ទះ

១៣មេសានេះ ជាថ្ងៃទីមួយនៃពិធីបុណ្យចូលឆ្នាំខ្មែរ ឬជាថ្ងៃមហាសង្ក្រាន្ត

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

អត្ថបទថ្មី

សិង្ហបុរីនឹងមាននាយករដ្ឋមន្ត្រីថ្មីនៅខែក្រោយ

ចិត្តដូចគ្នាណាស់! បវរកញ្ញា ៣រូប លើកយកសារ៉ុងខ្មែរមកច្នៃជាឈុត fashion ដើម្បីផ្សព្វផ្សាយ

១៦មេសានេះ ជាថ្ងៃចុងក្រោយនៃពិធីបុណ្យចូលឆ្នាំខ្មែរ ឬជាថ្ងៃវារៈឡើងស័ក

Kdrama ទាំង៥នេះធ្វើឱ្យអ្នកគាំទ្រ ជក់ចិត្តខ្លាំងជាមួយសមត្ថភាពសម្ដែងរបស់ Kim Soo Hyun

មកស្គាល់ពីរថភ្លើងមានល្បឿនលឿនបំផុតក្នុងសម័យទំនើប