មីស៊ីលកូរ៉េខាងជើង បាញ់ទៅជិតយន្តហោះបារាំង ដឹកអ្នកដំណើរជាង ៣០០នាក់
- 2017-08-04 03:26:32
- ចំនួនមតិ 0 | ចំនួនចែករំលែក 0
មីស៊ីលកូរ៉េខាងជើង បាញ់ទៅជិតយន្តហោះបារាំង ដឹកអ្នកដំណើរជាង ៣០០នាក់
ចន្លោះមិនឃើញ
យន្តហោះរបស់ក្រុមហ៊ុនអាកាសចរណ៍បារាំង Air France ដឹកអ្នកដំណើរជាង ៣៣០ នាក់ បានចូលទៅជិតមីស៊ីលឆ្លងទ្វីប ដែលបាញ់ដោយកូរ៉េខាងជើង ចម្ងាយប្រហែល ១០០ គីឡូម៉ែត្រប៉ុណ្ណោះ។
យន្តហោះប្រភេទ Boeing 777 ខាងលើ បានហោះឆ្លងកាត់ទីតាំងគ្រាប់មីស៊ីលធ្លាក់ មុនពេលគ្រាប់មីស៊ីលទៅដល់ប្រហែល ១០ នាទីប៉ុណ្ណោះ។
ទោះបីជាយ៉ាងណា ក្រុមហ៊ុនអាកាសចរណ៍ Air France និយាយថា យន្តហោះរបស់ខ្លួនមិនមានគ្រោះថ្នាក់នោះទេ ប៉ុន្តែនឹងបន្ថែមការប្រុងប្រយ័ត្ន ដោយសារតែខ្លួនកំពុងពង្រីកតំបន់ហោះហើរ នៅជុំវិញប្រទេសកូរ៉េខាងជើង។
ចំណែកឯមន្ទីរបញ្ចកោណអាមេរិក និយាយថា គ្រាប់មីស៊ីលនោះ បានហោះឆ្លងកាត់លំហអាកាស ដែលមានយន្តហោះធ្វើដំណើរញឹកញាប់។ ជាមួយគ្នានេះដែរ មន្ត្រីអាមេរិក ធ្លាប់បានព្រមានជាញឹកញយរួចមកហើយ អំពីគ្រោះថ្នាក់ដែលអាចបង្កឡើងដោយគ្រាប់មីស៊ីលកូរ៉េខាងជើង ទៅលើយន្តហោះពាណិជ្ជកម្ម (ដឹកអ្នកដំណើរ) នៅក្នុងតំបន់នោះ។
យ៉ាងណាមិញ ជប៉ុន និង សហរដ្ឋអាមេរិក បានប៉ាន់ប្រមាណថា គ្រាប់មីស៊ីលបានធ្លាក់ចុះចម្ងាយ ១០០ ទៅ ១៥០ គីឡូម៉ែត្រប៉ុណ្ណោះ ពីយន្តហោះបារាំងនោះ។
លោក Jeff Davis អ្នកនាំពាក្យមន្ទីរបញ្ចកោណ បានប្រាប់ឲ្យដឹងថា «វា (មីស៊ីល) បានហោះទៅលើអាកាស និងធ្លាក់នៅក្នុងតំបន់សេដ្ឋកិច្ចផ្ដាច់មុខរបស់ជប៉ុន ដែលមាននាវានេសាទ និងនាវាពាណិជ្ជកម្មផ្សេងៗ»៕
ចុចអាន៖