ផ្សារទំនើប សុវណ្ណា រៀបចំការប្រកួតប្រជែងគំនូរប្រចាំ ២០១៧

2017-08-04 06:54:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសម្លឹងឃើញនៅកក្កដា និងការអភិវឌ្ឍ នៃវិស័យអប់រំដែលមាន កំណើនយ៉ាងឆាប់រហ័ស ផ្សារទំនើបសុវណ្ណា រៀបចំកម្មវិធីនេះឡើងក្នុងគោលបំណងរួមចំណែក ក្នុងការតម្រង់ទិស និងអភិវឌ្ឍន៍សមត្ថភាព កុមារកម្ពុជា ស្របទៅតាមអភិវឌ្ឍន៍ នៃសង្គម។ នេះបើតាមតំណាងក្រុមហ៊ុនផ្សារទំនើបសុវណ្ណា ប្រាប់ឲ្យដឹង។

តំណាងខាងលើ បានបន្ដថា ការប្រកួតប្រជែងគូរគំនូរប្រចាំឆ្នាំ២០១៧ មិនត្រឹមតែជាកម្មវិធី បង្ហាញនៅ សមត្ថភាពកុមារប៉ុណ្ណោះទេ កម្មវិធីនេះក៏រួមចំណែកក្នុងការពង្រឹងទាំងផ្នែកសតិអារម្មណ៍ និង បុគ្គលិកលក្ខណៈរបស់កុមារកុមារ ដែលធ្វើឲ្យកុមារមានភាពក្លាហាន ស្មារតីប្រកួតប្រជែង មានភាពឈ្លាសវៃ និងគំនិតច្នៃប្រឌិតខ្ពស់ ព្រមទាំងបង្កើននៅសមត្ថភាពក្នុងការផ្តោត អារម្មណ៍ និងការយកចិត្តទុកដាក់លើការងារ។

ផ្សារទំនើប សុវណ្ណា មិនត្រឹមតែជាទីកន្លែងកម្សាន្តសម្រាប់ក្រុម គ្រួសារទូទៅប៉ុណ្ណោះ ទេ តាមរយៈ កម្មវិធីនេះ សុវណ្ណា នឹងផ្ដល់នូវអនុស្សាវរីយ៍ នាកុមារភាពដ៏កក់ក្តៅដល់កុមារ កម្ពុជា ដែលក្ដោបលើចំណេះដឹងថ្មីៗ ការកម្សាន្តប្លែកៗ និងពេលវេលាដែលពោពេញទៅ ដោយក្តីស្រលាញ់ផងដែរ។

ការប្រកួតប្រជែងគូរគំនូរប្រចាំឆ្នាំ ២០១៧ នេះអាចដំណើរការទៅបានដោយមាន ការ សហការពី សាលា Global Art និងឧបត្ថម្ភធំ ដោយ សុវណ្ណភូមិ ឡាយហ្វ៍ ។

ជាចុងក្រោយខ្ញុំសូមអរគុណដល់ការចំណាយពេលវេលារបស់ មាតាបិតា អាណា- ព្យាបាលកុមារទាំងអស់ដែលបាននាំ បុត្រធីតា មកចូលរួមក្នុងកម្មវិធីនេះ។ ខ្ញុំសង្ឃឹម យ៉ាងមុតមាំថា ផ្សារទំនើបសុវណ្ណា នឹងនៅតែជាទីកន្លែង ដែលពោពេញដោយក្តីស្រលាញ់ សម្រាប់ក្រុមគ្រួសារទាំងអស់ នាពេលនេះ និងថ្ងៃអនាគត។ ខ្ញុំសូមជូនពរអោយក្រុមគ្រួសារ ទាំងអស់ជួបតែសុភមង្គល និងជ័យជំនះគ្រប់ភារកិច្ច និងជូនពរអោយកុមារគ្រប់រូបទទួល បានជ័យជំនះក្នុងការប្រកួតនេះ។