Amir Khan ប្រកាសចូលហាត់វិញ ក្រោយប្រពន្ធក្បត់ចិត្ត
- 2017-08-07 08:06:50
- ចំនួនមតិ 0 | ចំនួនចែករំលែក 0
Amir Khan ប្រកាសចូលហាត់វិញ ក្រោយប្រពន្ធក្បត់ចិត្ត
ចន្លោះមិនឃើញ
អ្នកប្រដាល់អង់គ្លេស Amir Khan បាននិយាយថា ខ្លួននឹងទុករឿងគ្រប់យ៉ាងនៅពីក្រោយ ដោយនឹងត្រលប់ចូលហ្វឹកហាត់វិញនៅសហរដ្ឋអាមេរិក បន្ទាប់ដាច់គ្នាជាមួយប្រពន្ធ។
ម្ចាស់មេដាយប្រាក់អូឡាំពិក Khan បានប្រកាសលើបណ្ដាញ Twitter នៅសប្ដាហ៍នេះថា គេនិងភរិយា Faryal Makhdoom បានចែកផ្លូវគ្នាដើរហើយ មុនពេលប្ដឹងចោទប្រកាន់នាងពីបទលួចទាក់ទងនឹងអ្នកប្រដាល់ទម្ងន់ធ្ងន់ Anthony Joshua។
កីឡាករវ័យ៣០ឆ្នាំក៏បានសម្រេចវិលមកហាត់វិញដែរនៅខែនេះ ដើម្បីត្រៀមខ្លួនឡើងសង្វៀនវិញ។ Khan បាននិយាយថា៖ "នៅពាក់កណ្ដាលខែ សីហានេះ ខ្ញុំនឹងឈប់នៅទីក្រុង San Francisco ដើម្បីចាប់ផ្ដើមហ្វឹកហាត់វិញ។ ខ្ញុំនឹងទុកអ្វីៗគ្រប់យ៉ាងនៅពីក្រោយខ្នង និងសម្លឹងទៅមុខ។ ត្រលប់មករកភាពខ្លាំងវិញ ជាមួយការប្រកួតដ៏ធំ"។
Amir Khan បានបាត់មុខពីសង្វៀនចាប់តាំងពីចាញ់បាត់បង់ខ្សែក្រវាត់ WBC world middleweight ពេលប៉ះជាមួយកីឡាករ Saul Alvarez កាលពីថ្ងៃទី ៧ ខែ ឧសភា ឆ្នាំ ២០១៦៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
