Smart ចាប់ដៃគូជាមួយ iflix ឲ្យអ្នកមើលរឿងបានម៉ាសេរី
- 2017-08-07 09:49:47
- ចំនួនមតិ 0 | ចំនួនចែករំលែក 0
Smart ចាប់ដៃគូជាមួយ iflix ឲ្យអ្នកមើលរឿងបានម៉ាសេរី
ចន្លោះមិនឃើញ
Smart Axiata និង iflix ដែលជាក្រុមហ៊ុនផ្គត់ផ្គង់សេវាកម្មវីដេអូតាមតម្រូវការ (SVoD) ឈានមុខគេក្នុងទីផ្សារទាំងក្នុងតំបន់ និងពិភពលោក បានប្រកាសភាពជាដៃគូផ្ដាច់មុខរយៈពេល ៣ឆ្នាំរបស់ខ្លួន ដោយបាននាំបទពិសោធន៍កម្សាន្តតាមបែបឌីជីថលលំដាប់អន្តរជាតិជូនអតិថិជននៅកម្ពុជា។
អ្នកប្រើ Smart ទាំងអស់ អាចរីករាយជាមួយសេវាកម្មកម្សាន្តនេះរហូតដល់ ៣ខែ ដោយមានសិទ្ធិចូលទៅមើល ឬទាញយករឿងចេញមុនគេរាប់ពាន់រឿង និងកម្មវិធីទូរទស្សន៍ល្បីជាច្រើន ព្រមទាំងមាន Subtitles ទៀតផង។
លោក Thomas Hundt នាយកប្រតិបត្តិ Smart Axiata បានឲ្យដឹងថា៖ "ក្នុងនាមជាក្រុមហ៊ុនទូរសព្ទចល័តឈានមុខគេ យើងរំភើបក្នុងការធ្វើជាដៃគូជាមួយក្រុមហ៊ុនឈានមុខគេក្នុងទីផ្សារដូចជា iflix ដើម្បីផ្ដល់នូវការកម្សាន្តលំដាប់ពិភពលោកដល់អតិថិជនរបស់យើង"។
លោក James Bridges ប្រធានផ្នែកភាពជាដៃគូលើមាតិកា (Global Head of Content Partnerships) iflix បានលើកឡើងដែរថា៖ "ស្របតាមការកើនឡើងតម្រូវការពីទស្សនិកជន iflix បានខិតខំដើម្បីនាំរឿងក្នុងស្រុក និងតំបន់ដែលពេញនិយមបំផុតមកជូនអតិថិជនឱ្យបានទស្សនាភ្លាមក្រោយពេលចាក់ផ្សាយនៅរោងកុន រួមនឹងកម្មវិធីផ្សេងៗជាច្រើនទៀត"។
ដើម្បីទទួលបានបទពិសោធន៍ល្អបំផុតនៃការ Streaming វីដេអូនៅលើ iflix អតិថិជន Smart អាចចុះឈ្មោះលើតារាងបង់ប្រាក់ជាមុនគឺ "Smart StreamOn"៖
២ ដុល្លារក្នុងមួយសប្ដាហ៍ (Smart StreamOn 2) អាចទទួលបានរហូតដល់ ៧៧៧ ដុល្លារសម្រាប់ការហៅទូរសព្ទ ការផ្ញើសារ និងទិន្នន័យអ៊ីនធឺណិតបន្ថែម ៣GB ការកម្សាន្តផ្សេងៗទៀត ការប្រើប្រាស់បណ្ដាញសង្គមគ្មានដែនកំណត់ (Unlimited Social Pack) និងក្លាយជា SmartVIP ភ្លាមៗដោយចុច * 700 * 777 # ។
៨ ដុល្លារក្នុងមួយខែ (Smart StreamOn 8) អាចទទួលបានរហូតដល់ ៣៣៣៣ ដុល្លារសម្រាប់ការហៅទូរសព្ទ ការផ្ញើសារ និងទិន្នន័យអ៊ីនធឺណិតបន្ថែម ១៥GB ការកម្សាន្តផ្សេងទៀត ការប្រើប្រាស់បណ្ដាញសង្គមគ្មានដែនកំណត់ (Unlimited Social Pack) និងក្លាយជា SmartVIP ភ្លាមៗដោយចុច * 700 * 3333 # ។
អតិថិជន Smart អាចទាញយក (download) កម្មវិធី iflix ពី Play Store ឬ App Store ដើម្បីទទួលបានការប្រើប្រាស់ដោយគ្មានដែនកំណត់រយៈពេល ៣ ខែ ហើយអ្នកអាចទៅ Smart Shop ដែលនៅជិតបំផុតដើម្បីស្វែងយល់បន្ថែមពី StreamOn។
iflix ជាក្រុមហ៊ុនផ្គត់ផ្គង់សេវាកម្មវីដេអូសម្រាប់តម្រូវការទីផ្សារ (SVoD) ដែលឲ្យអ្នកប្រើប្រាស់ចូលមើលកម្មវិធីទូរទស្សន៍ រឿងភាគ និងភាពយន្តជាច្រើនទៀតដោយឥតកំណត់ ជាមួយប្រភេទរឿងជាច្រើន ហើយមានតម្លៃសមរម្យ។
សម្រាប់ព័ត៌មានបន្ថែមពី Smart Axiata ចូលទៅផេកហ្វេសប៊ុក Smart www.facebook.com/SmartAxiata ឬវិបសាយ www.smart.com.kh និងព័ត៌មានពី iflix ចូលទៅ www.iflix.com៕