កម្ពុជានឹងមានចំណតនាវាខ្នាតយក្ស ក្រោយជប៉ុនជួយជាង ២០០លានដុល្លារ
- 2017-08-08 02:45:21
- ចំនួនមតិ 0 | ចំនួនចែករំលែក 0
កម្ពុជានឹងមានចំណតនាវាខ្នាតយក្ស ក្រោយជប៉ុនជួយជាង ២០០លានដុល្លារ
ចន្លោះមិនឃើញ
លោកនាយករដ្ឋមន្ត្រីជប៉ុន Shinzo Abe បានសម្រេចផ្ដល់កម្ចីឥណទានសម្បទានប្រមាណ ២០៩ លានដុល្លារដល់កម្ពុជា សម្រាប់អនុវត្តគម្រោងអភិវឌ្ឍន៍ចំណតផែកុងតឺន័រថ្មីរបស់កំពង់ផែស្វយ័តក្រុងព្រះសីហនុ ក្នុងថ្ងៃដែលសម្ដេច ហ៊ុន សែន នាយករដ្ឋមន្ត្រី ទៅទស្សនកិច្ចនៅប្រទេសជប៉ុនម្សិលមិញ។
ឯកឧត្តម ស៊ុន ចាន់ ទេសរដ្ឋមន្ត្រី រដ្ឋមន្ត្រីនៃក្រសួងសាធារណៈ និងដឹកជញ្ជូន បានថ្លែងកាលពីខែឧសភា ឆ្នាំទៅ បានឲ្យដឹងថា ក្រុមការងារកំពង់ផែស្វយ័តកម្ពុជា នឹងសហការជាមួយអ្នកសាងសង់ពីប្រទេសជប៉ុន JICA សាងសង់កំពង់ផែថ្មីនេះ ដែលមានប្រវែង ៣៥០ម៉ែត្រ និងជម្រៅ ១៤ម៉ែត្រកន្លះ។ លោកបន្តថា កំពង់ផែដ៏ធំមួយនេះ នឹងអាចទទួលនាវាខ្នាតយក្ស នៅលើពិភពលោក ចូលចតបានរហូតដល់ទៅ ៩៣ភាគរយ ខណៈកំពង់ផែបច្ចុប្បន្ន ទទួលបានតែ ២០ភាគរយប៉ុណ្ណោះ។
បើតាមការអះអាង របស់លោករដ្ឋមន្ត្រី កំពង់ផែថ្មីនេះ នឹងជួយកាត់បន្ថយចរាចរការដឹកជញ្ជូនតាមផ្លូវគោក ដោយនឹងដឹកជញ្ជូនតាមផ្លូវទឹកកាន់តែច្រើនវិញ ដែលវានឹងជួយសម្រួលដល់តម្លៃនៃការដឹកជញ្ជូនពីកម្ពុជា ទៅក្រៅប្រទេស និងពីក្រៅប្រទេសមកកម្ពុជា កាន់តែចំណាយតិចជាងមុន។ ជាងនេះទៀត កម្ពុជានឹងចំណាយថវិកាទិញ ឧបករណ៍លើកដាក់ទំនិញ ខ្នាតធំ ចំនួនពីរគ្រឿង ដោយមួយគ្រឿងតម្លៃ ១២លានដុល្លារ។
ក្រសួងរំពឹងថា យ៉ាងយូរ ៤ឆ្នាំទៅមុខទៀត កំណើនកុងតឺន័រ ដែលចូលចតកំពង់ផែ នឹងកើនឡើងដល់ ១លានគ្រឿង ក្នុងនោះទំនិញឆ្លងកាត់ នឹងកើនដល់ ១០លានតោនក្នុងមួយឆ្នាំៗ៕
ចុចអានបន្ទាប់