ប្រុសៗឧស្សាហ៍បាក់ទឹកចិត្ត ព្រោះអ័រម៉ូនភេទខ្សោយ
- 2017-08-08 02:41:36
- ចំនួនមតិ 0 | ចំនួនចែករំលែក 0
ប្រុសៗឧស្សាហ៍បាក់ទឹកចិត្ត ព្រោះអ័រម៉ូនភេទខ្សោយ
ចន្លោះមិនឃើញ
តេស្តស្តេរ៉ូនគឺជាអ័រម៉ូនភេទប្រុស ដែលមានតួនាទីជាច្រើនសម្រាប់រាងកាយបុរសដូចជា៖
• សាច់ដុំរឹងមាំ
• ចំណង់ផ្លូវភេទ
• ឆ្អឹងរឹងមាំ
• ដឹកនាំខ្លាញ់ក្នុងខ្លួន
• ផលិតមេជីវិតឈ្មោល
ថ្វីបើអ័រម៉ូននេះត្រូវបានគេចាត់ទុកថាជាអ័រម៉ូនភេទប្រុសក៏ដោយ តែនារីក៏មានអ័រម៉ូននេះក្នុងខ្លួនដែរ គ្រាន់តែមានចំនួនតិច។ ទោះបីជាយ៉ាងណាក៏ដោយ តាមការសិក្សាបានឲ្យដឹងថា កាលណាបុរសមានអ័រម៉ូនតេស្តូស្តេរ៉ូនទាប ច្រើនតែធ្វើឲ្យមានរោគសញ្ញាខាងរាងកាយ និងផ្លូវចិត្ត ដោយមានទាំងការបាក់ទឹកចិត្តផង។
បុរសដេលមានរបួសនៅពងស្វាសអាចនឹងធ្លាប់មានបញ្ហាកង្វអ័រម៉ូនភេទប្រុសប្រភេទ Primary ដែលរឿងនេះបង្កឡើងដោយ៖
• ការព្យាបាលជំងឺមហារីក • កើតជំងឺស្រឡាទែន • មានកម្រិតជាតិដែកក្នុងឈាមខ្ពស់ជាងធម្មតា ចំពោះការកង្វះអ័រម៉ូនភេទប្រុសប្រភេទ Secondary វិញអាចដោយសារតែ៖
• អាយុច្រើន
• មានជំងឺអេដស៍
• មានជំងឺរបេង
• ធាត់ជ្រុល
• ប្រើថ្នាំប្រភេទអាភៀន ការបាក់ទឹកចិត្ត ការថប់អារម្មណ៍ ការឆេវឆាវ និងការប្រែប្រួលអារម្មណ៍ផ្សេងៗទៀតច្រើនតែកើតមានជាញឹកញាប់ចំពោះបុរសដែលមានអ័រម៉ូនភេទប្រុសតេស្តូស្តេរ៉ូនចុះទាប។ យ៉ាងណាមិញ អ្នកស្រាវជ្រាវមិនបានច្បាស់ថាអ្វីទៅជាទំនាក់ទំនងរវាងរឿងទាំងពីរនេះនៅឡើយទេ។ ការព្យាបាលដោយប្រើអ័រម៉ូននេះជំនួសវិញអាចនឹងធ្វើឲ្យមានអារម្មណ៍ល្អវិញ ជាពិសេសមនុស្សចាស់។
រោគសញ្ញាដែលបញ្ជាក់ថាកង្វះអ័រម៉ូនភេទតេស្តូស្តេរ៉ូន និងបាក់ទឹកចិត្តមានដូចជា៖
• ឆេវឆាវ
• ថប់អារម្មណ៍
• ពិបាកចិត្ត
• ខ្សោយផ្លូវភេទ
• មានបញ្ហាក្នុងការចងចាំ
• ពិបាកក្នុងការផ្ចង់អារម្មណ៍
• ពិបាកគេង
ទោះបីជាយ៉ាងណាក៏ដោយ រោគសញ្ញាខាងរាងកាយនៃការចុះទាបនៃអ័រម៉ូនតេស្តូស្តេរ៉ូន និងការបាក់ទឹកចិត្តច្រើនតែមានលក្ខណៈខុសៗគ្នា។ អ្នកដែលបាក់ទឹកចិត្ត តែមានអ័រម៉ូនធម្មតា ជាទូទៅ មិនធ្លាប់មានការហើមនៅដោះ និងស្វិតសាច់ដុំ និងខ្សោយសាច់ដុំឡើយ។ អាការៈរាងកាយនៃការបាក់ទឹកចិត្តវិញច្រើនតែមានបញ្ហានៅជុំវិញការឈឺក្បាល និងឈឺខ្នង។
បើសិនជាអ្នក ឬមនុស្សជាទីស្រឡាញ់អ្នកមានអារម្មណ៍ពិបាកចិត្ត ឬឆេវឆាវ ចូរណាត់ជាមួយគ្រូពេទ្យដើម្បីពិភាក្សាបន្ថែមទៅ។ ការពិនិត្យរាងកាយ និងឈាមអាចជួយកំណត់បានថា កម្រិតអ័រម៉ូនតេស្តូស្តេរ៉ូនអ្នកនៅធម្មតាឬអត់ដែរ៕