Mourinho បោះពាក្យមួយឃ្លា ធ្វើឲ្យអ្នកគាំទ្រ Real ភ័យខ្លួន
- 2017-08-08 12:25:55
- ចំនួនមតិ 0 | ចំនួនចែករំលែក 0
Mourinho បោះពាក្យមួយឃ្លា ធ្វើឲ្យអ្នកគាំទ្រ Real ភ័យខ្លួន
ចន្លោះមិនឃើញ
អ្នកចាត់ការទូទៅសញ្ជាតិព័រទុយហ្គាល់របស់ក្រុមបិសាចក្រហម Manchester United កាលពីថ្មីៗនេះ បានបង្ហើបថាលោកនឹងព្យាយាមគ្រប់យ៉ាងដើម្បីបានកីឡាករខ្សែស្លាបល្បឿនលឿន Gareth Bale របស់ក្លឹបជើងឯកកំពូលអឺរ៉ុប Real Madrid មកលេងក្រោមការដឹកនាំរបស់ខ្លួន បើសិនជាក្លឹបយក្សអេស្ប៉ាញមួយនេះព្រមលក់។
អ្នកចាត់ការវ័យ ៥៤ឆ្នាំរូបនេះ បានប្រាប់អ្នកសារព័ត៌មានឲ្យដឹងថា "បើសិនជាគេ (Gareth Bale) លេងក្នុងការប្រកួតនេះ (ការប្រកួតរវាង Real Madrid និង Manchester United ដើម្បីដណ្ដើមពាន UEFA Super Cup) វាច្បាស់ណាស់ថាគេនឹងមិនចាកចេញពីក្លឹប (Real Madrid)ឡើយ។"
លោកបានព្រលយពាក្យមួយឃ្លាទៀតថា "ប៉ុន្តែបើសិនជាគេ (Bale) មិនមែនជាកីឡាករនៅក្នុងគម្រោងរបស់ក្លឹបទេ (Real Madrid) ហើយច្បាស់ណាស់ថានឹងចង់ចាកចេញពីក្លឹប ខ្ញុំនឹងព្យាយាមគ្រប់យ៉ាងដើម្បីរង់ចាំគេ (Bale)” ។ សំដីនេះហើយដែលបញ្ជាក់ថាលោក Mourinho ចង់បានកីឡាករសញ្ជាតិវេលវ័យ ២៨ឆ្នាំរូបនេះឲ្យមកលេងនៅកីឡដ្ឋាន Old Trafford។
រំឮកដែរថា ខ្សែប្រយុទ្ធស្លាបឆ្នើមរូបនេះ បានធ្វើការផ្ទេរពីក្លឹបមាន់ខ្នាយមាស Tottenhem Hotspurs ទៅក្លឹបអធិរាជពណ៌ស Real Madrid ក្នុងតម្លៃ ៨៥លានផោនកាលពីឆ្នាំ ២០១៣ ដែលជាតម្លៃថ្លៃបំផុតក្នុងកំណត់ត្រាបាល់ទាត់ នាពេលនោះ ហើយទើបតែចុះកុងត្រាថ្មីជាមួយក្លឹបម្ចាស់ជើងអេស្ប៉ាញកាលពីរដូវកាលមុន នៅខែតុលាឆ្នាំមុនតែប៉ុណ្ណោះ។
ក្លឹបបិសាចក្រហម នឹងត្រូវប្រកួតជាមួយនឹងក្លឹប Real Madrid ដើម្បីដណ្ដើមយកពាន UEFA Super Cup នាពេលពាក់កណ្ដាលអធ្រាត្រ ម៉ោង ១ និង ៤៥ នាទី យប់នេះ ម៉ោងនៅកម្ពុជា៕