ហ៊ានជិះអត់ បើយន្តហោះទំនើបនេះហោះបានដោយគ្មានអ្នកបើក
- 2017-08-09 00:30:00
- ចំនួនមតិ 0 | ចំនួនចែករំលែក 0
ហ៊ានជិះអត់ បើយន្តហោះទំនើបនេះហោះបានដោយគ្មានអ្នកបើក
ចន្លោះមិនឃើញ
តាមការសិក្សារបស់ UBS រកឃើញថា ក្នុងចំណោមមនុស្ស ៨ ០០០ នាក់មានជាងពាក់កណ្តាលនៃពួកគេ ដែលមិនចង់ធ្វើដំណើរលើយន្តហោះដែលគ្មានអ្នកបើកនោះទេ ទោះបីមានតម្លៃថោកក៏ដោយ។
ទិន្នន័យដែល UBS បានសិក្សាក្នុងប្រទេសមួយចំនួនដូចជា អាល្លឺម៉ង់និងបារាំង មាន១៣% ខណៈអាមេរិកមាន២៧% ដែលព្រមជិះយន្តហោះគ្មានអ្នកបើក ដោយឡែក ១៧% ទៀតដែលពួកគេនិយាយថា ចង់ធ្វើដំណើរតាមយន្តហោះដែលគ្មានបើកនេះ។
យន្តហោះគ្មានអ្នកបើក អាចសន្សំសំចៃថវិកាក្រុមហ៊ុនអាកាសចរណ៍បានជាង ៣០ ប៊ីលានក្នុងមួយឆ្នាំ ទៅលើការចំណាយប្រេងឥន្ធនៈ អ្នកបើកយន្តហោះ និងការហ្វឹកហាត់ជាដើម។ យោងតាមការសិក្សាថ្មីរបស់ធនាគារស្វីស UBS។
ការហោះហើរដោយគ្មានអ្នកបើកបរនេះ អាចជាចំណុចវិជ្ជមានមួយ ក្នុងការដែលត្រូវចំណាយខ្ទង់ប៊ីលានដុល្លារជារៀងរាល់ឆ្នាំ តែវាក៏មានចំណុចអវិជ្ជមានដែរ ព្រោះបើគ្មានអ្នកដំណើរជិះទេ ទោះបីជាការធ្វើដំណើរមានតម្លៃថោកយ៉ាងណា ក៏ក្រុមហ៊ុនវិនិយោគត្រូវដួលដែរ។
ការហោះហើរស្វ័យប្រវត្តិនេះ កំពុងត្រូវបានតេស្តសាកល្បងដូចជាក្រុមហ៊ុនអាល្លឺម៉ង់ Lilium Aviation ធ្វើតេស្តគម្រូតាក់ស៊ីហោះ ខណៈក្រុមហ៊ុនអ៊ីស្រាអែល UrbanAero ក៏គ្រោងផលិតឡានហោះនៅឆ្នាំ ២០២២ ដូចគ្នាដែរ ហើយធនាគារ UBS ព្យាករណ៍ថាការហោះហើរដោយស្វ័យប្រវត្តិប្រើបច្ចេកវិទ្យាកាន់តែទំនើបធ្វើឱ្យការហោះហើរកាន់តែមានសុវត្ថិភាព និងមិនមានកំហុសកើតឡើងក្នុងកាប៊ីនយន្តហោះ៕