បឹងកេតត្រូវសងសឹក Global ខណៈណាហ្គា ប៉ះ Hougang ពាន Singapor Cup
- 2017-08-11 01:41:21
- ចំនួនមតិ 0 | ចំនួនចែករំលែក 0
បឹងកេតត្រូវសងសឹក Global ខណៈណាហ្គា ប៉ះ Hougang ពាន Singapor Cup
ចន្លោះមិនឃើញ
បឹងកេត នឹងត្រូវជួបគូសត្រូវចាស់ Global FC នាការប្រកួតជើងទី២នៅទីលាន Jalan Besar Stadiumខណៈ ណាហ្គាវើល ត្រូវជួបHougang United ជើងទី១ នៅទីលាន Hougang Stadium នាវេលាម៉ោង ៦:៣០នាទីដូចគ្នា(ម៉ោងនៅកម្ពុជា)។
បឹងកេតបានបរាជ័យនាជើងទី១ក្រោមថ្វីជើង Global FC ៣-១ នៅលើទឹកដីនៃប្រទេសសិង្ហបុរី។ ខណៈការប្រកួតជើងទី២ ក៏ធ្វើឡើងនៅទឹកដីនេះដូចគ្នា។ បឹងកេតធ្លាប់បរាជ័យក្រោមថ្វីជើងក្រុមខ្លះរបស់ហ្វីលីពីននេះពីរលើករួចមកហើយកាលលេងវគ្គជម្រុះ AFC Cup 2017 ដោយចាញ់២-០ និងចាញ់៣-១។
ចំណែកណាហ្គាវើលមិនធ្លាប់ប៉ះក្រុមខ្លាំងរបស់សិង្ហបុរីមួយនេះទេពីមុនមក។ Hougang United គឺជាក្រុមខ្លាំងកំពុងស្ថិតនៅលេខ ៦ក្នុងតារាងលីគកំពូលនៃប្រទេសសិង្ហបុរីដោយមាន ២០ពិន្ទុក្នុងចំណោម ១៤ប្រកួត ស្របពេលណាហ្គាកំពុងស្ថិតនៅលេខ៣ ក្នុងតារាងលីគកំពូលកម្ពុជាដោយមាន ២៦ពិន្ទុក្នុងចំណោម ១៤ប្រកួត។
ក្រុមទាំងពីររបស់កម្ពុជាខាងលើគឺធ្វើការប្រកួតពានរង្វាន់ Singapor Cup 2017 នេះនៅវគ្គ ៨ក្រុមចុងក្រោយ។ ចំពោះ៤ក្រុមផ្សេងទៀត ដែលកំពុងលេងវគ្គ ៨ក្រុមចុងក្រោយនេះដែរគឺមាន Home United ជួប DPMM FC និង Albirex Niigata (S) តទល់ជាមួយ Tampines Rovers ៕