មិនធម្មតាស្នាដៃលើកដំបូង ផលិតករម្នាក់ហ៊ានចំណាយដើមទុនរាប់ម៉ឺនដុល្លារ (វីដេអូ)
- 2017-08-11 07:05:50
- ចំនួនមតិ 0 | ចំនួនចែករំលែក 0
មិនធម្មតាស្នាដៃលើកដំបូង ផលិតករម្នាក់ហ៊ានចំណាយដើមទុនរាប់ម៉ឺនដុល្លារ (វីដេអូ)
ចន្លោះមិនឃើញ
លោក ងី ស៊ីប៉ាវ ជាចាងហ្វាងផលិតកម្មជីអិម បានធ្វើពិធីក្រុងពាលីរឿងខ្នាតធំរឿង "ចង់ដឹងសាកមើល" របស់ខ្លួនលើកដំបូងព្រឹកមិញនេះនៅម្ដុំផ្សារដីហុយ ដោយចំណាយដើមទុនរាប់ម៉ឺនដុល្លារ ព្រមទាំងរំពឹងជោគជ័យខ្ពស់ផងដែរ។
"ស្នាដៃទី១របស់ផលិតកម្មខ្ញុំនេះ ចំណាយដើមទុនជិត១០ម៉ឺនដុល្លារ យើងគ្រោងនឹងចេញថតក្នុងពេលឆាប់ៗនេះបន្ទាប់ពីទទួលអាជ្ញាប័ណ្ណពីក្រសួង ត្រៀមនឹងដាក់បញ្ចាំងនៅតាមរោងកុន នៅចុងឆ្នាំនេះប្រហែលជាខែ ១១ ឬ ខែ១២.។ ក្រោយពីថតរឿងនេះចប់យើងគ្រោង នឹងផលិតខ្សែភាពយន្តភាគដាក់បញ្ចាំងនៅទូរទស្សន៍ និងរឿងខ្នាតធំចាក់បញ្ចាំងនៅរោងកុនបន្ថែមទៀត"។ នេះបើតាមលោក ងី ស៊ីប៉ាវ បានលើកឡើងដូច្នេះ។
លោកបន្ថែមថាបាន រឿង "ចង់ដឹងសាកមើល" ជាប្រភេទរឿងបង្ហាញពីក្បាច់គុណបូរាណខ្មែរបែបកំប្លែងសើច លាយឡំជាមួយឈុតឆាកស្នេហាផ្អែមល្ហែមតួឯកប្រុសស្រីក្នុងរឿង ព្រមទាំងសកម្មភាពតួអង្គនីមួយៗ ដែលមានទេពកោសល្យមិនចាញ់តារាបរទេសឡើយ។
ភាពយន្តខ្នាតធំ "ចង់ដឹងសាកមើល"នេះចូលរួមសម្ដែងដោយ លោក ឃឹម វីម៉ា កញ្ញា ដួង ម៉ានិច លោក ម៉ាដូណា កញ្ញា និមល លោក លឹម រដ្ឋា នាយ ក្រូវ នាយ ចាបចៀន ព្រមទាំងតារាសម្ដែងប្រុសស្រីជាច្រើនរូបទៀត៕