ទៀតហើយ! ទេពច្យុតិនឹងកើតមានឡើងនៅចុងសប្ដាហ៍
- 2017-08-11 12:07:27
- ចំនួនមតិ 0 | ចំនួនចែករំលែក 0
ទៀតហើយ! ទេពច្យុតិនឹងកើតមានឡើងនៅចុងសប្ដាហ៍
ចន្លោះមិនឃើញ
ដំណឹងល្អដល់ប្រិយមិត្តនោះគឺ"ទេពច្យុតិ"កើតមាននៅឡើងចុងសប្ដាហ៍នេះ ។ វាមានឈ្មោះថា Perseids ជាកម្ទេចកំទីសេសសល់របស់ផ្កាយដុះកន្ទុយ Comet109P/Swift-Turtle ដែលចំណាយពេល១៣៣ឆ្នាំផែនដីដើម្បីបំពេញគន្លងនៃព្រះអាទិត្យមួយ ។
ជារៀងរាល់ឆ្នាំនៃខែសីហា បាតុភូតនេះកើតឡើងច្រើនបំផុតនៅរាត្រីថ្ងៃទី១២និង១៣ ក្នុងដំណើរផែនដីផ្លាស់ទីទៅក្បែរ109P អាចឱ្យកម្ទេចទំហំប៉ុនគ្រាប់ខ្សាច់យ៉ាងច្រើនរបស់វាធ្លាក់ចូលក្នុងបរិយាកាសផែនដីនៅចម្ងាយ២២គីឡូម៉ែត្រក្នុង១វិនាទី។ ដោយឡែកតារាវិទូប្រចាំសកលវិទ្យាល័យ University of Arkansas រដ្ឋ Arkansas សហរដ្ឋ អាមេរិកអ្នកស្រីCaitlin Ahren ប្រាប់វិបសាយ Gizmodo ថាទេពច្យុតិ Perseids មានផ្កាភ្លើងច្រើនជាងទេពច្យុតិផ្សេងទៀត។ ដូច្នេះមនុស្សអាចមើលវាបានដោយសារពន្លឺភ្លឺដូចភពសុក្រអញ្ចឹងដែរ ។ បាតុភូតនេះអាចមើលឃើញច្បាស់នៅពាក់កណ្ដាលអធ្រាត្រឬអំឡុងពេលមុនថ្ងៃរះក្នុងប្រទេសនៅផ្នែកអឌ្ឍគោលខាងជើង (កម្ពុជាស្ថិតនៅអឌ្ឍគោលខាងជើង)។ ទេពច្យុតិនឹងចាប់ផ្ដើមនៅយប់នេះ ហើយវានឹងបន្តកើតមានច្រើននៅរាត្រីថ្ងៃសៅរ៍និងអាទិត្យ។ ដោយឡែកយោងតាមអង្គការ NASAថាអ្នករស់នៅក្នុងទីក្រុងអាចមើលបាតុភូតនេះបានក្នុងទីតាំងធំទូលាយមួយនៅឆ្ងាយពីពន្លឺប៉ុន្តែនៅយប់ដដែលនោះពន្លឺព្រះចន្ទជិតពេញវង់អាចកាត់បន្ថយពីការមើលឃើញនេះ ។ មានន័យថាទេពច្យុតិអាចមានចន្លោះពី៤០ទៅ៥០ក្នុង១ម៉ោងដែលធម្មតាមាន៨០ទៅ១០០ឯណោះ៕