អ៊ីនធឺណិតឡាវ និង កម្ពុជាមួយណាដើរលឿនជាង?
- 2017-08-12 01:58:17
- ចំនួនមតិ 0 | ចំនួនចែករំលែក 0
អ៊ីនធឺណិតឡាវ និង កម្ពុជាមួយណាដើរលឿនជាង?
ចន្លោះមិនឃើញ
ក្នុងរបាយការណ៍ស្ទង់មតិពីល្បឿនអ៊ីនធឺណិតលើសកលលោកធ្វើឡើងដោយវិបសាយ cable.co.uk បានបង្ហាញថាប្រទេសចំនួន ១៨៩ ក្នុងពិភពលោក ប្រទេសណាមានអ៊ីនធឺណិតដើរលឿនជាងគេ។
ក្នុងរបាយការណ៍គេក៏ឃើញវត្តមានប្រទេសកម្ពុជាដែលស្ថិតនៅលេខរៀងទី ៩៨ ដោយមានល្បឿនដោនឡូដជាមធ្យម ៣,១ Mbps ដែលផ្អែកតាមការធ្វើតេស្តចំនួន ៦ ៩៤៩ លើកផ្សេងៗគ្នា ហើយរយៈពេលដែលត្រូវចំណាយលើការដោនឡូដភាពយន្ត HD ទំហំ ៧,៥ GB ត្រូវប្រើពេល ៥ ម៉ោង ២៩ នាទី។ ចំពោះប្រទេសក្បែរខាងកម្ពុជាវិញ ដូចជាប្រទេសឡាវជាដើមស្ថិតនៅចំណាត់ថ្នាក់ ១២៤ ជាមួយល្បឿនអ៊ីនធឺណិតជាមធ្យម ១,៩៤ Mbps ដែលផ្អែកតាមការធ្វើតេស្តចំនួន ១ ៤៣៧ លើកផ្សេងៗគ្នា។
ចំណែកប្រទេសថៃវិញស្ថិតនៅចំណាត់ថ្នាក់លេខ ២៩ ដោយមានល្បឿនអ៊ីនធឺណិតជាមធ្យម ១៦,៨៥ Mbps និង ប្រទេសវៀតណាមស្ថិតនៅចំណាត់ថ្នាក់លេខ ៧៤ ជាមួយល្បឿន ៥,៤៦ Mbps។ ប្រទេសដែលជាប់ចំណាត់ថ្នាក់កំពូលគឺសិង្ហបុរី ដែលមានល្បឿនអ៊ីនធឺណិតជាមធ្យម ៥៥,១៣ Mbps តាមពីក្រោយដោយប្រទេសស៊ុយអែតជាមួយល្បឿន ៤០,១៦ Mbps។ បញ្ជាក់ថាល្បឿនអ៊ីនធឺណិតនេះគិតលើតែអ៊ីនធឺណិតប្រើខ្សែប៉ុណ្ណោះ មិនគិតរួមជាមួយអ៊ីនធឺណិតទូរសព្ទឡើយ៕