ប្រធានាធិបតីចិន ទូរសព្ទទៅជួបដូណាល់ ត្រាំ រឿងកូរ៉េខាងជើង
- 2017-08-12 08:46:24
- ចំនួនមតិ 0 | ចំនួនចែករំលែក 0
ប្រធានាធិបតីចិន ទូរសព្ទទៅជួបដូណាល់ ត្រាំ រឿងកូរ៉េខាងជើង
ចន្លោះមិនឃើញ
នៅថ្ងៃសៅរ៍ទី ១២សីហា ប្រធានាធិបតីចិន ស៊ី ជិនពីង បានទូរសព្ទផ្ទាល់ស្កាត់ទៅជួបប្រធានាធិបតីអាមេរិកដូណាល់ ត្រាំ ដោយជំរុញឲ្យ ត្រាំ ចៀសវាងការប្រើប្រាស់ពាក្យសម្ដី និងសកម្មភាពទាំងឡាយណាដែលធ្វើឲ្យស្ថានភាពនៅឧបទ្វីបកូរ៉េកាន់តែឡើងកម្ដៅ។ នេះបើតាមការផ្សព្វផ្សាយរបស់ទូរទស្សន៍រដ្ឋចិន CCTV នៅប៉ុន្មានម៉ោងមុននេះ។
លោកប្រធានាធិបតីចិន បានអំពាវនាវឲ្យភាគីពាក់ព័ន្ធទាំងអស់ត្រូវរក្សាភាពអត់ធ្មត់ បន្តការចរចាពិភាក្សា និងរកដំណោះស្រាយនយោបាយ។ លោក ជិនពីង បន្ថែមថា "វាជាផលប្រយោជន៍រួមទាំងចិន និងអាមេរិក ដើម្បីសម្រេចឲ្យបានការមិនមានអាវុធនុយក្លេអ៊ែរនៅឧបទ្វីបកូរ៉េ និងការពារសន្តិភាព ស្ថិរភាពនៅទីនោះ"។
ដំណោះស្រាយបញ្ហានុយក្លេអ៊ែរត្រូវតែធ្វើបែបនយោបាយតាមរយៈការចរចា ហើយចិនមានគោលបំណងថែរក្សាទំនាក់ទំនងជាមួយសហរដ្ឋអាមេរិក ដោយឈរលើគោលការណ៍គោរពគ្នាទៅវិញទៅមក ដើម្បីស្វែងរកដំណោះស្រាយសមស្រប។
ការទូរសព្ទឆ្លងឆ្លើយលើកនេះ ធ្វើឡើងបន្ទាប់ពី ដូណាល់ ត្រាំ បញ្ចេញសារគំរាមថ្មីមួយទៀតទៅកាន់កូរ៉េខាងជើង កាលពីថ្ងៃសុក្រម្សិលមិញដោយថ្លែងថា យោធាអាមេរិកត្រៀមខ្លួនរួចរាល់ហើយ ខណៈទីក្រុងព្យុងយ៉ាង ចោទប្រកាន់ដូណាល់ ត្រាំ ថាកំពុងនាំឧបទ្វីបកូរ៉េទៅរកមាត់ជ្រោះនៃសង្គ្រាមនុយក្លេអ៊ែរ និងប្រទេសមហាអំណាចជាច្រើនកំពុងបង្ហាញការព្រួយបារម្ភ៕
ចុចអាន៖
អូស្ត្រាលី ត្រៀមធ្វើសង្គ្រាមប្រឆាំងកូរ៉េខាងជើង បើ គីម ជុងអ៊ុន ហ៊ានបាញ់អាមេរិក
កូរ៉េខាងជើង កំណត់ថ្ងៃបាញ់មីសីល ៤គ្រាប់ ទៅក្បែរមូលដ្ឋានយោធាអាមេរិក
ពលរដ្ឋអាមេរិក ត្រូវគេសួរឲ្យស្វែងរក ប្រទេសកូរ៉េខាងជើងនៅលើផែនទី ឯលទ្ធផលហួសចិត្ត