Watchralek៖ ពិបាកវ៉ៃ Manuel ជាងកីឡាករដទៃទៀត
- 2017-08-13 06:34:11
- ចំនួនមតិ 0 | ចំនួនចែករំលែក 0
Watchralek៖ ពិបាកវ៉ៃ Manuel ជាងកីឡាករដទៃទៀត
ចន្លោះមិនឃើញ
អ្នកប្រដាល់ជើងខ្លាំងរបស់ថៃ ដែលមានកេរ្តិ៍ឈ្មោះនៅកម្ពុជា Watchralek Or kwanmueng ថាពិតជាពិបាកវ៉ៃកីឡាករ Manuel ណាស់ ព្រោះអ្នកប្រដាល់រូបនេះមានមាឌធំពេក និងរឹងមាំងទៀតផង។
កីឡាករថៃ Watchralek Or kwanmueng បានឲ្យដឹងក្រោយការប្រកួតថា សម្រាប់ការប៉ះជាមួយអ្នកដែលហាត់គុនខ្មែរ Manuel វាលំបាកក្នុងការផ្ដួលយកជ័យជម្នះតែម្ដង ប៉ុន្តែការព្យាយាម រួមនិងភាពវៃឆ្លាតផងរបស់ខ្លួននៅតែអាចឈ្នះបានដដែល។ Manuel មានមាឌធំ ហើយដៃធ្ងន់ ដូច្នេះខ្លួន(Watchralek) ត្រូវតែមានការប្រុងប្រយ័ត្នខ្ពស់ចំពោះការប្រកួតមួយនេះ។
អ្នកប្រដាល់ដែលធ្លាប់ឈ្នះជើងខ្លាំងជួរមុខកម្ពុជាជាច្រើននាក់កន្លងមកនេះបន្ថែមទៀតថា Manuel ក៏មានចំណុចខ្សោយដែរ គឺត្រង់ក្បាលពោះតែម្ដង ពោះរបស់គេខ្សោយមិនទាន់អាចទប់និងជង្គង់ ឬកណ្ដាប់ដៃខ្លាំងៗ បានទេ។ ប្រសិនបើមានការសុំសងសឹកពីប្រដាល់រូបនេះម្ដងទៀតនោះ ខ្លួននឹងស្វាគមន៍ជានិច្ច ហើយខ្លួនជឿជាក់ថានឹងឈ្នះបន្តទៀត។
Watchralek ជាជើងខ្លាំងរបស់ថៃ កីឡាករម្នាក់នេះធ្លាប់ឈ្នះ ម៉ឺន សុភា រឿង សុភណ័្ឌ តែក៏ធ្លាប់ចាញ់ បឺត ខាំ ផងដែរនាពេលកន្លងមក ហើយកាលពីថ្ងៃ សុក្រ ទី១១ សីហា នេះគេបន្តឈ្នះកីឡាករ Manuel ដោយពិន្ទុទៀតនៅសង្វៀន គូបូតា បាយ័នស្ទឹងមានជ័យ៕