ឡៅ ចន្រ្ទា៖ យ៉ាងហោចណាស់សម្រាក៣សប្ដាហ៍ទើបអាចឡើងប្រកួតវិញបាន...
- 2017-08-14 02:42:18
- ចំនួនមតិ 0 | ចំនួនចែករំលែក 0
ឡៅ ចន្រ្ទា៖ យ៉ាងហោចណាស់សម្រាក៣សប្ដាហ៍ទើបអាចឡើងប្រកួតវិញបាន...
ចន្លោះមិនឃើញ
អ្នកប្រដាល់ល្បីឈ្មោះ និងជាជើងខ្លាំងម្ចាស់ខ្សែក្រវាត់ ៣គ្រឿង ឡៅ ចន្រ្ទា រងរបួសក្នុងការប្រកួតមិត្តភាពអន្តរជាតិកម្ពុជាថៃ យប់មិញនេះយ៉ាងហោចណាស់ក៏ត្រូវសម្រាកព្យាបាល៣សប្ដាហ៍ដែរទើបអាចវិលចូលសង្វៀនប្រកួតវិញបាន។
បើតាមគ្រូពេទ្យប្រចាំនៅសង្វៀនបាយ័នស្ទឹងមានជ័យបានឲ្យដឹងថា កីឡាករវ័យក្មេងរូបមិនរបួសដល់បាក់ឆ្អឹងនោះទេ គឺគ្រាន់តែគ្រេចម្រាមប្រអប់ដៃកណ្ដាលតែប៉ុណ្ណោះ ហើយបើតាមស្ថានភាពនេះ គេត្រូវសម្រាកព្យាបាល៣សប្ដាហ៍ ទើបអាចហ្វឹកហាត់ ឬឡើងប្រកួតវិញបាន។
ឡៅ ស៊ីណាត ដែលជាបងប្រុសរបស់ ឡៅ ចន្រ្ទា ក៏បានឲ្យដឹងក្នុងពេលរបួសនោះដែរថា របួសនេះគ៏ដោយសារក្នុងពេលប្រកួតនោះ «ចន្រ្ទា» វ៉ៃទៅចំក្បាលកីឡាករថៃ Kla Khunserk ជាហេតុធ្វើឲ្យប្អូនប្រុសខ្លួនរបួសមិនបន្តការប្រកួតទៀតតែម្ដង។
ឡៅ ចន្រ្ទា ជាកីឡាករមកក្លឹបប្រដាល់ទ័ពពិសេសឆត្រយោង ៩១១ សម្រាប់ការប្រកួតមិត្តភាពអន្តរជាតិកាលពីយប់មិញនេះនៅសង្វៀន បាយ័នស្ទឹងមានជ័យ មានគូគឺទី១ ឡៅ ចន្រ្ទា ចាញ់Kla Khunserk ទឹកទី៣ ខណៈ វង្ស ណយ ចាញ់ពិន្ទុថៃ Laypayak៕
ស្រាបៀរអង្គរមានមោទនភាពគាំទ្រអត្តពលិកជាតិចូលរួមប្រកួតកីឡាស៊ីហ្គេម ២០១៧ #ឆន្ទៈយើងបេះដូងយើង៕