សមឥតខ្ចោះ ៥សន្លឹកពី ទេព បូព្រឹក្ស ក្នុងឈុតរបាំក្ងោកប៉ៃលិន
- 2017-08-15 01:54:03
- ចំនួនមតិ 0 | ចំនួនចែករំលែក 0
សមឥតខ្ចោះ ៥សន្លឹកពី ទេព បូព្រឹក្ស ក្នុងឈុតរបាំក្ងោកប៉ៃលិន
ចន្លោះមិនឃើញ
ថ្មីៗនេះតារាចម្រៀងសម័យ ទេព បូព្រឹក្ស ហាក់ងាយទៅចាប់អារម្មណ៍សិល្បៈបុរាណ និងប្រពៃណី។ កន្លងមកប្រិយមិត្តធ្លាប់ភ្ញាក់ផ្អើលម្ដងហើយបន្ទាប់ពីតារាស្រីរូបនេះគ្រងឈុតអប្សរា តែនៅថ្ងៃនេះ Sabay នឹងបង្ហាញជូនរូបភាពនាងស្លៀកឈុតរបាំក្ងោកប៉ៃលិនវិញម្ដង។
មុននឹងទស្សនា Sabay សុំលើកយកប្រវត្តិខ្លះៗទាក់ទងនឹងរបាំខាងលើនេះ៖
របាំ “កោ្ងកប៉ៃលិន” ជាមរតករបស់ជនជាតិភាគតិចកូឡា ដែលរស់នៅតាមតំបន់ជួរភ្នំយ៉ាត ក្រុងប៉ៃលិន ។ របាំនេះមានការទាក់ទងយ៉ាងជ្រាលជ្រៅជាទីបំផុតទៅនឹងជំនឿរបស់ខ្មែរជំនាន់ដើម ដែលមានជំនឿប្រហាក់ប្រហែលគ្នានឹងប្រជាជនដទៃទៀតក្នុងពិភពលោក ដូចជានៅទ្វីបអាហ្វ្រិក ទ្វីបអាស៊ី ឬនៅប្រទេសអូស្ត្រាលី ជាដើម ដែលមានជំនឿទៅលើអារក្សអ្នកតា ព្រៃភ្នំ។
តាមឯកសាររបស់នាយកដ្ឋានស្រាវជ្រាវ នៃក្រសួងវប្បធម៌និង វិចិត្រសិល្បៈ អំឡុងទសវត្សរ៍ទី៦០ បានឲ្យដឹងថា ដើមកំណើតរបស់ "របាំក្ងោកប៉ៃលិន" ដំបូង គឺមានតែកោ្ងកឈ្មោលកាន់សីលមួយមកសម្ដែងប៉ុណ្ណោះ ដោយយកតាមសុបិនរបស់បុត្រីស្ដេចកូឡាក្នុងសម័យនោះ។ របាំមួយនេះត្រូវបានគេយកមកសម្ដែងក្នុងកម្មវិធីផ្សេងៗ ដូចជាបុណ្យចូលឆ្នាំ ពិធីបន់ស្រន់អារក្សអ្នកតា និងលោកយាយយ៉ាត ទៅតាមដំណើរនៃភូមិស្រុករបស់ពួកគេ។
ងាកមកតារាស្រីដែលពូកែខាងច្នៃក្បាច់រាំនេះវិញ នាងធ្លាប់លើកឡើងថាខ្លួនកំពុងមានគម្រោងចេញបទថ្មីជាលាយជារបាំប្រពៃណី និងរបាំបុរាណ។ មុននឹងបានស្នាដៃថ្មីរបស់នាង តោះមកទស្សនារូបភាពស្អាតបន្តិចមើល៍៖