Watchralak៖ គួរឲ្យស្ដាយចង់សងសឹកជាមួយ បឺត ខាំ តែគេឈប់ប្រកួតបាត់ហើយ

2017-08-15 06:51:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងខ្លាំងមកពីប្រទេសថៃដែលធ្វើព្យុះធ្វើភ្លៀងនៅកម្ពុជាកន្លងមកនេះ Watchralek Or kwanmueng ថាគេចង់ប្រកួតសងសឹកជាមួយអ្នកប្រដាល់សំបូរស្នៀត បឺត ខាំ ប៉ុន្តែគួឲ្យស្ដាយនោះគឺអ្នកប្រដាល់កម្ពុជារូបនេះឈប់ឡើងប្រកួតទៀតហើយ។

កីឡាករ Watchralak

កីឡាករ Watchralak ប្រាប់ឲ្យដឹងថា សម្រាប់កីឡាករនៅកម្ពុជាអ្នកណាក៏គេអាចប្រកួតជាមួយបានដែរ មិនថាអ្នកខ្លាំងឬអ្នកខ្សោយនេះទេ គឺអាចប្រកួតបានទាំងអស់។ ចំពោះការប្រកួតដែលខ្លួនចាប់អារម្មណ៍ជាងគេនាពេលកន្លងមកនោះមានដូចជាការប៉ះជាមួយកីឡាករ មឿន សុភា និង បឺត ខាំ។ បើនិយាយថាចង់ប្រកួតជាមួយកីឡាកររូបណាម្ដងទៀតនោះ គឺជើងខ្លាំងមកពីប្រទេសថៃម្នាក់នេះចង់ឡើងសងសឹកជាមួយ បឺត ខាំ ព្រោះខ្លួនធ្លាប់ចាញ់កីឡាករកម្ពុជារូបនេះនាពេលកន្លងមក។

កីឡាករ បឺត ខាំ

អ្នកប្រដាល់ដែលមានថ្វីដៃខាងលើបន្តឲ្យដឹងទៀតថា បានជាគេចាប់អារម្មណ៍លើកីឡាករ បឺត ខាំ នោះដោយសារតែ ជើងខ្លាំងរបស់កម្ពុជារូបនេះគេមានថ្វីដៃល្អ ឆ្មក់កណ្ដាប់ដៃលឿន និងវ៉ៃចេញដោយក្បាច់តែម្ដង(កីឡាករវ៉ៃក្បាច)។ តែវាពិតជាស្ដាយដែលកីឡាកររូបនេះឈប់ឡើងប្រកួតហើយ។

Watchralek និងអ្នកគាំទ្រ

Watchralek Or kwanmueng ជាជើងខ្លាំងរបស់ប្រទេសថៃ គេធ្លាប់មកប្រកួតនៅកម្ពុជាច្រើនលើកមកហើយ មិនតែប៉ុណ្ណោះគេបានយកឈ្នះជើងខ្លាំងជួរមុខរបស់កម្ពុជាជាច្រើននាក់ និងពេលថ្មីៗនេះទើបបន្តឈ្នះកីឡាករ Manuel ដោយពិន្ទុទៀតផង៕

អត្ថបទ៖ នួន ស៊ីណា