Dj Nana ប្រើតែការនិយាយ អាចបង្កើតអាជីវកម្ម និងអាជីពមួយចំនួន ក្នុងពេលតែ១

2017-08-15 07:58:49
ចំនួនមតិ 0 | ចំនួនចែករំលែក 0

ចន្លោះមិនឃើញ

នាង សុវ៉ាតនា ជាឈ្មោះរបស់តារាស្រីវ័យ ៣១ឆ្នាំ កំពុងល្បីខ្លាំងលើប្រព័ន្ធផ្សព្វផ្សាយជាច្រើន។ បើនិយាយពីរឿងស្នេហា កញ្ញា សុវ៉ាតនា ឬហៅក្រៅថា Dj Nana តែងតែមានរឿងនិយាយមិនអស់ និងបានក្លាយជានារីពូកែវោហាមួយរូបដែលគេនឹកឃើញមុនគេ ពេលជួបបញ្ហាស្នេហា។

មិនត្រឹមតែមានអាជីពជាពិធីការីនី និងតារាសម្ដែង កញ្ញាបានធ្វើកិច្ចការសង្គមដោយខ្លួនឯង និងតាមរយៈស្ថាប័នអង្គការមួយចំនួនតាំងពីអាយុ១៥ឆ្នាំ។ បច្ចុប្បន្ន កញ្ញាបានបង្កើតអាជីវកម្ម ដែលមានដៃគូសហការផលិតវីដេអូ និងអាចរកចំណូលបានរាប់ម៉ឺនដុល្លារក្នុងមួយខែៗ។

Dj Nana បានប្រាប់ Sabay ថា ការងារនិងរបរដែលកញ្ញារកទទួលទានរាល់ថ្ងៃគឺកើតចេញពីទទេពកោសល្យ និងបទពិសោធធ្លាប់ជួប ហើយញែកចេញទៅជាប្រធានបទ រួចយកទៅនិយាយចែករំលែកឲ្យប្រិយមិត្ត (Fan) តាមរយៈវីដេអូបង្ហោះនៅលើបណ្ដាញសង្គមហ្វេសបុករបស់កញ្ញា។

កញ្ញាបន្ថែមថាៈ «ដោយសារខ្ញុំធ្វើការក្នុងវិទ្យុជាង៥ឆ្នាំ និងខ្ញុំមានទេពកោសល្យស្រាប់...ហើយខ្ញុំក៏សាកល្បងថតវិដេអូប្រើទូរស័ព្ទខ្លួនឯង..ដោះស្រាយបញ្ហាស្នេហាឲ្យគេ»។

កញ្ញា Nana បានរៀបរាប់ថា កញ្ញាបានចាប់ផ្ដើមអាជីវកម្មផលិតវីដេអូដំបូង មិនបានចំណាយដើមទុនអ្វីច្រើនឡើយ ពោលគឺអស់តែ«ទឹកមាត់និយាយប៉ុណ្ណោះ»។ កញ្ញាថា សម្រាប់ការថតវិញ កញ្ញាមានដៃគូសហការ ដែលជាអ្នកមានកាម៉ារ៉ា និងបច្ចេកទេសថត។

ដោយឡែកសម្រាប់តម្លៃផ្សព្វផ្សាយវីដេអូមួយសម្រាប់ក្រុមហ៊ុន អាចមានតម្លៃយ៉ាងតិចក៏ ១ ៥០០ដុល្លារដែរ ហើយក្នុងមួយខែ ក្រុមការងារថតស្ពតពាណិជ្ជកម្មរបស់កញ្ញា អាចរកចំណូលបានដល់ខ្ទង់ម៉ឺនដុល្លារ។ យ៉ាងណាមិញ កញ្ញា សុវ៉ាតនា មិនអាចបញ្ជាក់ពីចំណូលជាក់ស្ដែងប្រចាំខែបានទេ ព្រោះថាចំណូលមិនសូវទៀងទាត់នោះទេ។ កញ្ញាបញ្ជាក់ថាក្រុមការងាររបស់កញ្ញាសុទ្ធតែជាអ្នកធ្វើការក្រៅម៉ោងប៉ុណ្ណោះ។

ងាកមកអាជីពវិញ Dj Nana ឲ្យដឹងដែរថា បច្ចុប្បន្នកញ្ញាទទួលការងារជាច្រើនក្នុងពេលតែមួយ ដូចជា ធ្វើជាផលិតករនិងពិធីការិនីក្នុងហ្វេសបុកផេក Dj Nana TV, ពិធីការិនីវិទ្យុ និងទូរទស្សន៍ តារាសម្ដែង ក្នុងនោះក៏មានការងារសង្គម ដែលមិនទទួលបានចំណូលផងដែរ។ ដូចជាពេលថ្មីៗនេះ កញ្ញាធ្វើជាអគ្គរាជទូតកិត្តិយសរបស់អង្គការPlan ដែលគម្រោងនេះតម្រូវឲ្យកញ្ញាចុះជួបកុមារីនៅទីជនបទដើម្បីលើទឹកចិត្ត និងបណ្តុះក្តីស្រម៉ៃឲ្យកុមារីទាំងនោះ ក្នុងន័យឲ្យកុមារីចេះតស៊ូដើម្បីក្តីស្រម៉ៃរបស់ខ្លួន៕

អត្ថបទ៖ ស៊ិន សាវ៉េត

ពាក្យទាក់ទង

ការអប់រំ និងការងារ

អត្ថបទពេញនិយម

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

ងាយៗ! ពិនិត្យមើលសំបកកង់៣ចំណុចធំៗនេះដោយខ្លួនឯងបាន ចៀសវាងបែកកង់តាមផ្លូវ

អត្ថបទថ្មី

Neuer បង្កើតកំណត់ត្រាថ្មីក្នុង Champions League

វគ្គ Semi Final របស់ Europa League ឆ្នាំនេះ សុទ្ធតែគីឡូធ្ងន់

ចាប់ផ្តើមដំណើរឆ្ពោះទៅរកភាពភ្លឺថ្លា POND'S Bright Miracle បង្ហាញពីភាពច្នៃប្រឌិតក្នុងការថែរក្សាស្បែក

តើក្រុមបាល់ទាត់ជម្រើសជាតិប្រទេសណាជាប់លេខ១ នៅទ្វីបអាស៊ី?

ត្រៀមខ្លួនហើយឬនៅ សម្រាប់ដំណើរទៅលេងបុណ្យភ្នំ-ឧទ្យានជាតិគិរីរម្យ នាដើមខែឧសភា ឆ្នាំ២០២៤ នេះ?

៣ ចំនុចដែលអ្នកគួរដឹង បើចង់ក្លាយជាម្ចាស់មកុដ MUC 2024