UCL៖ Liverpool អាចស៊ី Hoffenheim ក្រៅដីបានទេយប់នេះ?
- 2017-08-15 08:49:14
- ចំនួនមតិ 0 | ចំនួនចែករំលែក 0
UCL៖ Liverpool អាចស៊ី Hoffenheim ក្រៅដីបានទេយប់នេះ?
ចន្លោះមិនឃើញ
ការប្រកួត UEFA Champions League វគ្គជម្រុះនឹងចាប់ផ្ដើមហើយនៅយប់នេះក្នុងនោះគូពិសេសជាងគេគឺការប៉ះគ្នារវាងហង្សក្រហម Liverpool និង Hoffenheim វេលាម៉ោង១:៤៥នាទីរំលងអាធ្រាត្រម៉ោងនៅកម្ពុជា។
Liverpool ដែលជាជើងឯក Champions League ៥សម័យកាលបានបញ្ចប់នៅចំណាត់ថ្នាក់លេខ៤នៅ Premier League រដូវកាលមុន ខណៈ Hoffenheim ក៏បានលេខ៤ដូចគ្នានៅ Bundesliga។ ចាំមើលរវាងក្រុមស្រេកឃ្លានកៅអីពានទ្វីបអឺរ៉ុបទាំងពីរមួយណាឈ្នះនៅជើងទីមួយ?
ជើងកីឡាករ៖
Liverpool នឹងលេងដោយគ្មានកម្លាំងសំខាន់ជាច្រើនដូចជា Sturridge (របួសភ្លៅ), Coutinho (របួសខ្នង), Adam Lallana (របួសភ្លៅ) និង Nathaniel Clyne (របួសខ្នង) ដូច្នេះជម្រើស១១នាក់ដំបូងអាចជា៖ Mignolet; Alexander-Arnold, Matip, Lovren, Robertson; Can, Henderson, Wijnaldum; Salah, Firmino, Mané។
Hoffenheim ពេញជើងល្អណាស់បន្ទាប់ពីខ្សែប្រយុទ្ធ Wagner ទើបតែជាពីរបួស ដូច្នេះជម្រើស១១នាក់ដំបូងអាចជា Baumann, Nordtveit, Vogt, Bicakcic, Polanski, Toljan, Gnabry, Amiri, Schulz, Kramaric, Wagner។
សំដីគ្រូបង្វឹក៖
អ្នកចាត់ការ Liverpool លោក Jurgen Klopp៖"បើសិនជាពួកយើងលេងមិនបាន១០០%ទល់នឹង Hoffenheim នោះយើងនឹងក្លាយជាក្រុមដែលត្រូវធ្លាក់ចេញពីកម្មវិធី។ ពួកគេគឺជាក្រុមដ៏គ្រោះថ្នាក់ និងមានគ្រូបង្វឹកល្អ"។
អ្នកចាត់ការ Hoffenheim លោក Julian Nagelsmann៖ "ជាការពិតពួកយើងដឹងថា Liverpool គឺជាក្រុមមានប្រៀបសម្រាប់ការប្រកួតនេះ តែយើងអាចធ្វើឲ្យពួកគេភ្ញាក់ផ្អើល នឹងទម្លាក់ពួកគេចេញពីកម្មវិធីនេះ។ ក្រុមទាំងមូលត្រូវលេងយ៉ាងល្អបំផុតដើម្បីសម្រេចវា"។
ស្ថិតិមួយចំនួន៖
នេះគឺជាការប្រកួតដំបូងរវាងក្រុមទាំងពីរ ប៉ុន្តែ Liverpool ធ្លាប់មានកំណត់ត្រាប៉ះក្រុមមួយចំនួនមកពីអាល្លឺម៉ង់។ ក្នុងចំណោម ៤០ប្រកួតទល់នឹងក្រុមមកពី Bundesliga ក្រុម Liverpool ធ្លាប់ឈ្នះ១៩ដង និងចាញ់៧ដង។ ប្រកួតចុងក្រោយបំផុតក្រុមមួយនេះបានវាយបកយកឈ្នះ Dortmund យ៉ាងគួរឲ្យភ្ញាក់ផ្អើលនៅពាន Europa League៕