ស្នេហ៍ស្មោះទោះស្លាប់មិនប្ដូរ ប្ដីប្រពន្ធវ័យជិត ១០០ ឆ្នាំមួយគូ សម្រេចចិត្តបញ្ចប់ជីវិតរួមគ្នា
- 2017-08-15 11:57:12
- ចំនួនមតិ 0 | ចំនួនចែករំលែក 0
ស្នេហ៍ស្មោះទោះស្លាប់មិនប្ដូរ ប្ដីប្រពន្ធវ័យជិត ១០០ ឆ្នាំមួយគូ សម្រេចចិត្តបញ្ចប់ជីវិតរួមគ្នា
ចន្លោះមិនឃើញ
- គូស្នេហ៍វ័យចំណាស់មួយគូបានស្លាប់កាន់ដៃគ្នា
- ការស្លាប់ជាមួយគ្នាគឺជាក្ដីប្រាថ្នាដ៏ធំរបស់ពួកគាត់ទាំងពីរ
នៅក្នុងប្រទេសហុល្លង់ គូស្នេហ៍វ័យចំណាស់មួយគូបានស្លាប់កាន់ដៃគ្នា បន្ទាប់ពីពួកគេបានសុំឲ្យគ្រូពេទ្យបញ្ចប់ជីវិតរបស់ពួកគេទាំងពីរ ដើម្បីបញ្ចប់ការឈឺចាប់នៃជំងឺ និងភាពចាស់ជរា។
លោក Nic Elderhorst និងអ្នកស្រី Trees Elderhorst ដែលទាំងពីរនាក់មានវ័យ ៩១ឆ្នាំដូចគ្នា បានស្លាប់ក្នុងស្រុកកំណើតរបស់ខ្លួន ក្នុងប្រទេសហុល្លង់ បន្ទាប់ពីរៀបការជាមួយគ្នាអស់រយៈពេល ៦៥ឆ្នាំ។
ក្នុងរយៈពេល ៥ឆ្នាំចុងក្រោយនេះ ប្ដីប្រពន្ធទាំងពីរមានបញ្ហាសុខភាពយ៉ាងខ្លាំង ដោយលោក Nic មានបញ្ហាជំងឺដាច់សរសៃឈាមក្នុងខួរក្បាល ខណៈអ្នកស្រី Trees ជាប្រពន្ធកើតជំងឺបាត់ការចងចាំ។
បើតាមការបញ្ជាក់ពីកូនស្រីរបស់ប្ដីប្រពន្ធមួយគូនេះបានឲ្យដឹងថា "ការស្លាប់ជាមួយគ្នាគឺជាក្ដីប្រាថ្នាដ៏ធំរបស់ពួកគាត់ទាំងពីរ។" កូនស្រីមួយទៀតរបស់គូស្នេហ៍វ័យ៩១ឆ្នាំមួយនេះបានបន្ថែមទៀតថា "ពួកគាត់បានថើបគ្នាយ៉ាងច្រើន ហើយបានកាន់ដៃគ្នាយ៉ាងណែនរួចក៏បានលាចាកលោកទៅ។"
គួរបញ្ជាក់ផងដែរថា ការបញ្ចប់ជីវិតអ្នកជំងឺដោយគ្រូពេទ្យ គឺស្របច្បាប់នៅក្នុងប្រទេសអឺរ៉ុបមួយនេះ ក្នុងករណី គ្រូពេទ្យទទួលការស្នើពីអ្នកជំងឺ ហើយការស្លាប់នេះគឺធ្វើឡើងដើម្បីបញ្ចប់ការឈឺចាប់នៃជំងឺរបស់ពួកគេ៕
ចុចអាន៖