ម្ដាយអាយុ១២ឆ្នាំ ទើបសម្រាលកូនរួចបោះចោលទៅគុម្ពោតព្រៃ ធ្វើឲ្យគ្រប់គ្នាខ្លោចចិត្ត
- 2017-08-16 02:28:31
- ចំនួនមតិ 0 | ចំនួនចែករំលែក 0
ម្ដាយអាយុ១២ឆ្នាំ ទើបសម្រាលកូនរួចបោះចោលទៅគុម្ពោតព្រៃ ធ្វើឲ្យគ្រប់គ្នាខ្លោចចិត្ត
ចន្លោះមិនឃើញ
ក្មេងស្រីជាម្ដាយអាយុ ១២ឆ្នាំ រស់នៅប្រទេសចិន បានសម្រាលកូនស្រីម្នាក់យ៉ាងលាក់លៀម រួចបោះបង់កូនចោលក្បែរគុម្ពោតព្រៃក្នុងទីក្រុង Yibin បានធ្វើឲ្យមហាជនភ្ញាក់ផ្អើល។
ទារិកាកម្សត់រូបនេះ ត្រូវបានគេប្រទះឃើញកាលពីថ្ងៃសុក្រសប្ដាហ៍មុន រួចត្រូវបានគេបញ្ជូនទៅកាន់មន្ទីរពេទ្យភ្លាមៗ តែសំណាងល្អនាងមានសុខភាពល្អ។ អាជ្ញាធរក្នុងតំបន់បានអះអាងថា ម្ដាយរបស់ទារិកា ជាសិស្សរៀនថ្នាក់បឋមម្នាក់ និងជាកូនស្រី ដែលឪពុកម្ដាយទុកចោល ហើយពួកគាត់ទៅរកការងារធ្វើនៅទីក្រុង។
ទារិកាត្រូវគេឃើញដេកមានកន្សែងគ្របជិត ក្បែរគុម្ពោតព្រៃនៅសង្កាត់ Nanxi ទីក្រុង Yibin ខេត្តស៊ីឈួន នាយប់ថ្ងៃទី ១១សីហាកន្លងទៅ។ ភ្លាមៗបន្ទាប់ពីប្រទះឃើញ គេបានបញ្ជូនទារិកាទៅកាន់មន្ទីរពេទ្យ Nanxi ដើម្បីពិនិត្យមើលថា នាងកើតបញ្ហាអ្វីឬទេ តែនាងមិនមានជំងឺអ្វីជាប់ខ្លួនឡើយ។
បើតាមគ្រូពេទ្យផ្នែកកុមាររៀបរាប់ថា ទារិកានេះកើតមិនគ្រប់ខែ ហើយសីតុណ្ហភាពរាងកាយត្រជាក់ស្រឹប រួចគ្រូពេទ្យបានព្យួរសេរ៉ូម និងដាក់ក្នុងទូរកម្ដៅហើយ។
តាមប្រភពពីអាជ្ញាធរ ម្ដាយអាយុទើប ១២ឆ្នាំនេះ ជាសិស្សសាលាឈ្មោះ Xiao Min រស់នៅភូមិក្បែរកន្លែងកើតហេតុ។ គេបានរស់នៅជាមួយជីដូន ហើយឪពុកម្ដាយចេញទៅធ្វើការឆ្ងាយបាត់។ ចំណែកគ្រូបន្ទុកថ្នាក់របស់នាង មិនដឹងថា Min ពពោះនោះទេ។ អាជ្ញាធរកំពុងស៊ើបអង្កេតលើកុមារីថ្នាក់ទី ៥នេះ ដោយរកមូលហេតុនៃការពពោះថា ជាចាប់រំលោភ ឬយ៉ាងណា។
តាមប្រភពដដែលបន្តថា កុមារចិនជាង ៩លាននាក់ ត្រូវបានឪពុកម្ដាយទុកចោល រួចចេញទៅធ្វើការនៅទីឆ្ងាយ និងអាចជួបជុំគ្នាមួយឆ្នាំម្ដងប៉ុណ្ណោះ។ ឯអ្នកប្រើប្រាស់អ៊ីនធឺណិតបង្ហាញក្ដីបារម្ភចំពោះវាសនាកុមារដែលឪពុកម្ដាយចេញទៅធ្វើការឆ្ងាយ មិនដឹងថា មានវាសនាដូចកុមារខាងលើប៉ុន្មាននាក់ទៅ៕
ចុចអាន៖
ជាគ្រូពេទ្យ ៣០ឆ្នាំ នៅដង្ហើមចុងក្រោយ សុខចិត្តបរិច្ចាគកែវភ្នែកឲ្យអ្នកជំងឺទៀត
កូនស្រីអាយុ៧ឆ្នាំ ឈឺជិតស្លាប់មិនព្រមឲ្យពេទ្យព្យាបាលជំងឺ ព្រោះហេតុផលរំជួលចិត្ត
អាងហែលទឹកនៅសៀងហៃចំនួន១២ ប្រកាសបិទ ក្រោមហេតុផលគួរឲ្យហួសចិត្ត