មិនមែនតែ Ronaldo ទេ Iniesta ក៏មិនបានលេងជើងទី២ដែរ
- 2017-08-16 04:50:39
- ចំនួនមតិ 0 | ចំនួនចែករំលែក 0
មិនមែនតែ Ronaldo ទេ Iniesta ក៏មិនបានលេងជើងទី២ដែរ
ចន្លោះមិនឃើញ
Andres Iniesta នឹងមិនអាចចូលរួមជាមួយ Barcelona ដើម្បីសងសឹក Real Madrid នៅជើងទី២ពាន Supercopa de Espana ក្នុងកីឡដ្ឋាន Estadio Santiago Bernabeuបានឡើយ ព្រោះមានរបួសភ្លៅស្ដាំ។
ចូលរួមហ្វឹកហាត់ជាមួយក្រុមកាលពីថ្ងៃអង្គារ កីឡាករវ័យជ្រេ៣៣ឆ្នាំ បានទទួលរងរបួស និងត្រូវកាត់ចេញពីបញ្ជីឈ្មោះកីឡាកររបស់លោក Ernesto Valverde ។ Barcelona ត្រូវធ្វើការខ្លាំងសម្រាប់ការប្រកួតជើងទី២ដែលត្រូវលេងនៅម៉ោង៤រំលងអាធ្រាត្រយប់នេះ ដោយសារជើងទី១ពួកគេចាញ់ក្នុងដីដល់ទៅ៣-១ឯណោះ។
លោក Valverde នឹងនាំកីឡាករ១៩រូបទៅសងសឹកជាមួយ Madrid យប់នេះ ក្នុងនោះមាន៖ Marc-Andre ter Stegen, Jasper Cillessen, Nelson Semedo, Gerard Pique, Javier Mascherano, Jordi Alba, Lucas Digne, Aleix Vidal, Samuel Umtiti, Sergi Roberto, Ivan Rakitic, Sergio Busquets, Denis Suarez, Luis Suarez, Lionel Messi, Gerard Deulofeu, Paco Alcacer, Andre Gomes និងCarles Alena។
ទាក់ទងនឹងការពិន័យ Cristiano Ronaldo ៥ប្រកួត លោក Zinedine Zidane បាននិយាយថា វាច្រើនពេកហើយ។ និយាយក្នុងសន្និសីទកាសែតត្រៀមលេងជើងទី២ អ្នកចាត់ការសញ្ជាតិបារាំងបានថ្លែងថា៖ "ខ្ញុំមិនចង់ជ្រៀតជ្រែកជាមួយអាជ្ញាកណ្ដាលទេ ប៉ុន្តែបើយើងសម្លឹងមើលហេតុការណ៍ ហើយ Ronaldo ត្រូវពិន័យមិនអាចលេង៥ប្រកួត វាពិតជាមិនត្រឹមត្រូវសោះ។ ៥ប្រកួតច្រើនណាស់។ ចំពោះការប្ដឹងតវ៉ា Zidane ថា ត្រូវចាំមើលគណៈកម្មាធិការប្រជុំនៅថ្ងៃស្អែកសិន៕
ចុចអាន៖